ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಐಸಿಸಿಯು 2020ರಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟ್ವೆಂಟಿ-20 ಮಹಿಳಾ ಹಾಗೂ ಪುರುಷ ವಿಶ್ವಕಪ್ ವೇಳಾಪಟ್ಟಿಯನ್ನು ಇಂದು ಬಿಡುಗಡೆಗೊಳಿಸಿದೆ.
ಈ ಪೈಕಿ ಮಹಿಳಾ ಟಿ-20 ವಿಶ್ವಕಪ್ 2020 ಫೆಬ್ರವರಿ 21ರಿಂದ ಮಾರ್ಚ್ 8ರ ವರೆಗೆ ನಡೆಯಲಿದ್ದು, ಅಂತೆಯೇ ಪುರುಷರ ಟಿ-20 ವಿಶ್ವಕಪ್ ಅಕ್ಟೋಬರ್ 18ರಿಂದ ನವೆಂಬರ್ 15ರ ವರೆಗೆ ನಡೆಯಲಿದೆ.
ಐಸಿಸಿ ಮಾಹಿತಿ ನೀಡಿರುವಂತೆ ಆಸ್ಟ್ರೇಲಿಯಾದ ಎಂಟು ನಗರಗಳಲ್ಲಿನ 13 ಕ್ರೀಡಾಂಗಣಗಳಲ್ಲಿ ವಿಶ್ವಕಪ್ ಗೆ ಆತಿಥ್ಯ ವಹಿಸುತ್ತಿದೆ. ಪುರುಷರ ವಿಭಾಗದಲ್ಲಿ ಅಕ್ಟೋಬರ್ 24ರಂದು ಮೊದಲ ಮುಖಾಮುಖಿಯಲ್ಲಿ ಭಾರತ ತಂಡವು ದಕ್ಷಿಣ ಆಫ್ರಿಕಾ ಸವಾಲನ್ನು ಎದುರಿಸಲಿದೆ. ಈ ಪಂದ್ಯ ಪರ್ತ್ ಮೈದಾನದಲ್ಲಿ ನಡೆಯಲಿದ್ದು, ಹಾಗೆಯೇ ಮಹಿಳಾ ತಂಡವು ಫೆಬ್ರವರಿ 21ರಂದು ಸಿಡ್ನಿಯಲ್ಲಿ ಆತಿಥೇಯ ಆಸೀಸ್ ಸವಾಲನ್ನು ಎದುರಿಸಲಿದೆ.