ದುಬೈ: ತಾಲಿಬಾನ್ ಆಳ್ವಿಕೆಯಡಿ ನಲುಗುತ್ತಿರುವ ಆಫ್ಘನ್ನರಿಗೆ ಸಂತಸ ತರುವ ಸುದ್ದಿ ಟಿ20 ವಿಶ್ವಕಪ್ ನಲ್ಲಿ ಕೇಳಿಬಂದಿದೆ. ಇಂದು ನಡೆದ ಪಂದ್ಯದಲ್ಲಿ ಅಫ್ಘಾನಿಸ್ತಾನ, ಸ್ಕಾಟ್ ಲೆಂಡ್ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದೆ.  

ಮೊದಲು ಬ್ಯಾಟ್ ಮಾಡಿದ ಅಫ್ಘಾನಿಸ್ತಾನ 190 ರನ್ ಗಳನ್ನು ದಾಖಲಿಸಿದ್ದರು. ನಂತರ ಈ ಗುರಿಯನ್ನು ಬೆಂಬೆತ್ತಿದ ಸ್ಕಾಟ್ ಲೆಂಡ್ ತಂಡ 60 ರನ್ ಗಳಿಸುವಷ್ಟರಲ್ಲೇ ಆಲೌಟ್ ಆಯಿತು. ರಶೀದ್ ಖಾನ್ ನಾಲ್ಕು ವಿಕೆಟ್ ಪಡೆದು ಸಂಭ್ರಮಿಸಿದರು.

ಇದರೊಂದಿಗೆ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ 130 ರನ್ ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಪ್ಲೇಯರ್ ಆಫ್ ದಿ ಮ್ಯಾಚ್ ಗೌರವಕ್ಕೆ ಅಫ್ಘಾನಿಸ್ತಾನದ ಮುಜೀಬ್ ಉರ್ ರಹಮಾನ್ ಪಾತ್ರರಾಗಿದ್ದಾರೆ. ಗೌರವ ಸ್ವೀಕರಿಸುತ್ತಾ ಮಾತನಾಡಿದ ಅವರು ತಂಡವನ್ನು ಹುರಿದುಂಬಿಸಿದ ಫ್ಯಾನ್ಸ್ ಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.