ಮಾಗಡಿ ಶ್ರೀನಿವಾಸ್, ರಾಮನಗರ, 9902797767
'ಖುಷ್ಬು' ದೇವಾಲಯದಂತೆ ಕರ್ನಾಟಕದಲ್ಲಿ ನಟಿಯೊಬ್ಬರ ದೇವಾಲಯವಿಲ್ಲವಲ್ಲ?
ಸುಮ್ನಿರು ಅಣ್ಣಮ್ಮ ಪಕ್ಕದಲ್ಲಿ ನನಗೊಂದು ದೇಗುಲವಿರಲಿ ಎಂದು ತಾರಮ್ಮ, ಜಯಮ್ಮ ವರಾತ ಹಿಡಿಯಬಹುದು.

ಬಸವನ ಗೌಡ ಹೆಬ್ಬಳಗೆರೆ, ಚನ್ನಗಿರಿ
ಕುಡಿತದ ತುಡಿತವಿರುವವರಿಗೆ ತಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಕಡಿತದ ಬಗ್ಗೆ ಅರಿವಿರುವುದಿಲ್ಲವೇ?
ಕುಡಿದ ಮೇಲೆ ಬಾಡಿ ಬ್ಯಾಲೆನ್ಸ್ ಇದ್ದರೆ ಸಾಕು.

ನೆರಲಗುಡ್ಡ ಶಿವಕುಮಾರ, ಶಿರಾ, 9480343742
ತೋಟಕ್ಕೆ ಬೇಲಿ, ಹೆಣ್ಣಿಗೆ ತಾಳಿ.. ಗಂಡಿಗೆ?
ತಾಳಿಕೊಳ್ಳಬೇಕು ಇವೆರಡನ್ನೂ ಮೀರಿ ಬರುವ ದಾಳಿ!

ಓಂ. ಚನ್ನೇಶ್ ಅರಬಿಳಚಿಕ್ಯಾಂಪ್, ಭದ್ರಾವತಿ, 9900739725
ಪ್ರೀತಿ-ಪ್ರೇಮ ವಿಚಾರದಲ್ಲೂ ಲಂಚ ಅನಿವಾರ್ಯವೇ?
ಲಂಚದ ವಿಷ್ಯ ಗೊತ್ತಿಲ್ಲ. ಮಂಚವಂತೂ ಅನಿವಾರ್ಯ!

ಜೆ. ಪಿ. ನಾಗರಾಜ, 9901193811
ಸ್ತ್ರೀ, ಪುರುಷನ ಬಾಳಲ್ಲಿ ದೇವತೆಯಾಗುವುದು ಯಾವ ಸಂದರ್ಭದಲ್ಲಿ?
ಕೆಲವರ ಅನುಭವದ ಪ್ರಕಾರ ನಿಜಕ್ಕೂ ಆಕೆ ದೇವರ ಬಳಿ ಹೋದ ಸಂದರ್ಭದಲ್ಲಿ!

-ಬಾಣಭಟ್ಟ