ದೀಪ
ತನ್ನ ಬುಡಕ್ಕೆ ಕತ್ತಲೆ ಇಟ್ಟು ಬೇರೆಯವರಿಗೆ ಬೆಳಕಾಗುವ ತ್ಯಾಗಿ
ಸಮಾರಂಭದಲ್ಲಿ ಗಣ್ಯರಿಗೆ ಫೋಟೋ ಪೋಸ್ ಕೊಡಲು ಇರುವ ನೆಪ
ದಹಿಸುವ ಅಗ್ನಿ ದೀಪವಾದಾಗ ಬೆಳಗುತ್ತದೆ
ಬೆಂಕಿಪೆಟ್ಟಿಗೆಯ ಬಳಕೆ ಶುರುವಾಗಿದ್ದೇ ಇದಕ್ಕೋಸ್ಕರ
ಇದೂ ಎಣ್ಣೆ ಪಾರ್ಟಿಯೇ
ವಿದ್ಯುದ್ದೀಪವಾದರೆ ಬೆಳಕಿಗಿಂತ ಕತ್ತಲೆಯೇ ಹೆಚ್ಚು
ಬುದ್ಧಿ ದೀಪ, ದೇವರ ದೀಪ ಹಣತೆ ದೀಪ ಕ್ಯಾಂಡಲ್ ದೀಪ ಈ ಗುಂಪಿಗೆ ಸೇರದ ಪದ ವಿದ್ಯುದ್ದೀಪ
ದೀಪವೂ ನಿನ್ನದೇ ಗಾಳಿಯೂ ನಿನ್ನದೇ ಆರದಿರಲಿ ಬೆಳಕೂ ಎಂದು ಪ್ರಾರ್ಥಿಸಿದರೂ ಕೆ.ಇ.ಬಿ.ಯವರಿಗೆ ತಲುಪುವುದೇ ಇಲ್ಲ
ದೀಪವಿದ್ದರೆ ಧೂಪ, ಅನ್ಯಥಾ ದ್ವೀಪ
ದೀಪದಿಂದ ದೀಪವ ಹಚ್ಚುವವನೇ ಮಾನವ. ದೀಪದಿಂದ ಸಿಗರೇಟ್ ಹಚ್ಚುವವ ನಾಗರಿಕ
ಕೊಳಕನ್ನೆಲ್ಲ ತೋರಿಸುವ ಬೆಳಕು
ಪವರ್‌ಕಟ್‌ನಿಂದಾಗಿ ಮನೆಮನೆಯಲ್ಲಿ ಪ್ರತಿನಿತ್ಯವೂ ದೀಪಾವಳಿಯೇ
ದೀಪದ ಬುಡದಲ್ಲಿ ಕತ್ತಲೆ ಎಂಬ ಮಾತಿಗೆ ಅಪವಾದ ಬೀದಿ ದೀಪ
-ವಿಶ್ವನಾಥ ಸುಂಕಸಾಳ
vishwasunkasal@yahoo.com