ಸಮಸ್ಯೆ
    ಇದೊಂದು ದೊಡ್ಡ ಸಮಸ್ಯೆ ಮಾರಾಯ್ರೆ...
    ಎಲ್ಲ ಸಮಸ್ಯೆಗಳಿಗೂ ಪರಿಹಾರವಿದೆಯೆಂದು ಅರಿಯುವುದೇ ಎಲ್ಲ ಸಮಸ್ಯೆಗಳಿಗೂ ಇರುವ ಪ್ರಾಥಮಿಕ ಪರಿಹಾರ 'ಸಮಸ್ಯಾತ್ಮಾ ವಿನಶ್ಯತಿ'
    ಸೊಳ್ಳೆ ಒಂದು  ಸಮಸ್ಯೆ. ಬತ್ತಿ ಹಚ್ಚುವುದು ಅದಕ್ಕೆ ಪರಿಹಾರ. ಅದರ ಹೊಗೆಯಿಂದ ಉಸಿರಾಟದ ಸಮಸ್ಯೆಯಾದರೆ ಅದು ನಿಜವಾದ ಸಮಸ್ಯೆ
    ಸಮಸ್ಯೆಗಳನ್ನು ಸಮಸ್ಯೆಗಳೆಂದು ಸ್ವೀಕರಿಸುವುದೇ ಎಲ್ಲ ಸಮಸ್ಯೆಗಳ ತಾಯಿ ಬೇರು
    ಎಲ್ಲ ಸಮಸ್ಯೆಗಳಿಗೆ ಕಾರಣ ಸಮಸ್ಯೆಗಳಲ್ಲ...
    ಸಂಶಯ ಇರುವಲ್ಲಿ ಇದು ಹುಟ್ಟಿಕೊಳ್ಳುತ್ತದೆ
    ಎಲ್ಲೋ ಹುಟ್ಟಿ ನಮ್ಮೊಳಗೆ ಬೆಳೆಯುವಂಥದ್ದು
    ಹೆಚ್ಚಾದರೆ ಸಮಸ್ಯೆ, ಕಡಿಮೆಯಾದರೂ ಸಮಸ್ಯೆ. ಮಿತಿ ಯಾವುದೆಂದು ಅರಿಯುವುದು ಇನ್ನೂ ಸಮಸ್ಯೆ
    ಸಮಸ್ಯೆಗಳನ್ನು ಸಮಸ್ಯೆಗಳೆಂದು ಸ್ವೀಕರಿಸುವುದರಿಂದ ಆಗುವ ಸಮಸ್ಯೆಯೆಂದರೆ, ಕೆರೆದು ಕೆರೆದು ಹುಣ್ಣಾಗಿ ಸೆಪ್ಟಿಕ್ ಆಗುವುದು
    ಕೆಲವರು ಸಮಸ್ಯೆಗಳನ್ನು ತಾವಾಗಿಯೇ ಬಿಟ್ಟುಕೊಳ್ಳುತ್ತಾರೆ, ಕೆಲವರು ಕಟ್ಟಿಕೊಳ್ಳುತ್ತಾರೆ, ಕೆಲವರು ಇಟ್ಟುಕೊಳ್ಳುತ್ತಾರೆ

-ವಿಶ್ವನಾಥ ಸುಂಕಸಾಳ
vishwasunkasal@yahoo.com