= ಮುಟ್ಟಿದರೆ ಜಾರುವಷ್ಟು ನಯವಂತಿಕೆ ಇದರದ್ದು
= ಇದು ಹೆಣ್ಣಿನಂತೆ. ಕಾಲನ್ನು ಇಟ್ಟಲ್ಲೇ ಜಾರಿಸುತ್ತದೆ
= ಅಡಿಗೆಯಿಂದ ಹಿಡಿದು ಅಡಿಗಡಿಗೂ ಅಗತ್ಯವಿರುವ ದ್ರವ್ಯ
= ಇದು ದ್ರವವಸ್ತುವೇ ಹೌದಾದರೂ ಪಡೆಯುವುದು ಘನವಸ್ತುವಿನಿಂದ
= ಹೆಚ್ಚು ದಿನ ಇಟ್ಟರೆ ಇಟ್ಟಲ್ಲೇ ಕೆಟ್ಟ ವಾಸನೆ ಬೀರುವುದು
= ಖಾದ್ಯ ಕರಿಯಲ್ಪಡುವ ಮಾಧ್ಯಮ
= ತಿಲದಿಂದ ಮಾಡಿದ್ದಲ್ಲವಾದರೂ ಕರೆಯಲ್ಪಡುವುದು ತೈಲವೆಂದೇ
= ಸ್ನೇಹಗುಣ ಇದರಲ್ಲಿ ಜಾಸ್ತಿ. ಅಂಟಿಕೊಂಡಿದ್ದು ಬಿಡುವುದಿಲ್ಲವಲ್ಲ ಹಾಗಾಗಿ
= ತಲೆಗೆ ಹಚ್ಚಿಕೊಂಡರೆ ತಂಪು. ಹೊಟ್ಟೆಗೆ ಹಾಕಿದರೆ ಉರಿ
= ಅಬಕಾರಿ ಇಲಾಖೆಯ ಸಂಪತ್ತಿನ ಮೂಲ
= ಹೊಟ್ಟೆ ಬಟ್ಟೆ ಕಟ್ಟಿಕೊಂಡು ಉಳಿಸಿದ ಹಣವನ್ನು ಕೆಲವರು ಖರ್ಚು ಮಾಡುವುದು ಇದಕ್ಕೇ
= ಸಂಸಾರವನ್ನು ಅಸಾರವನ್ನಾಗಿಸುವ ಚಟದ ಮೂಲ
= ಸರಾಸರಿಯಾಗಿ ಇದನ್ನು ಸಾರಾಯಿ ಎನ್ನಬಹುದು
= ಮತ್ತೇ ಸಾಕು, ಮತ್ತಿನ್ನೇನು ಬೇಕು ಎನ್ನುವವರ ಸಾಯಂ ತೀರ್ಥ
= ಎಣ್ಣೆ ತಿಕ್ಕುವುದು ಬೇರೆ, ಎಣ್ಣೆ ಹೊಡೆಯುವುದು ಬೇರೆ

ವಿಶ್ವನಾಥ ಸುಂಕಸಾಳ
vishwasunkasal@yahoo.com