ಎಣ್ಣೆ
= ವಿಮಾ ಕಂಪೆನಿ ಏಜೆಂಟರು ಕೈಯಲ್ಲಿ ಹಿಡಿದಿರುವ ಪರಮೌಷಧ
= ಇದು ಬಾಟಲಿಯಲ್ಲೂ ಬರುತ್ತದೆ, ಪ್ಯಾಕೆಟ್‌ನಲ್ಲೂ ಸಿಗುತ್ತದೆ
= ಅಡಿಗೆಗೆ ಬಳಸುವ ಎಣ್ಣೆ ದಿನಗಳೆದಂತೆ ಕೆಡುತ್ತದೆ
= ಇನ್ನೊಂದು ರೀತಿಯ ಎಣ್ಣೆ ದಿನಗಳೆದಂತೆ ತಾಜಾ ಆಗುತ್ತದೆ
= ಎಣ್ಣೆ ಯಾವುದಾದರೇನು ಮತ್ತೇರಿದ್ದೇ ಗೊತ್ತು
= ವಿಜಯ್ ಮಲ್ಯರ ನವೋತ್ಸಾಹ ಚಿಲುಮೆಯ ಮೂಲ ಸೆಲೆ
= ಮದ ಮತ್ತು ಉನ್ಮಾದಕ್ಕೆ ಕಾರಣವಾದ ಮದ್ಯ
= ಒಮ್ಮೆರುಚಿ ಹತ್ತಿದರೆ ಇದರ ಬಳಕೆಗೆ ಎಣೆ ಇಲ್ಲ
= ಶ್ರಮಿಕರ ದುಡಿತವನ್ನೆಲ್ಲ ಕಸಿಯುವ ಮಾರಕ ಶತ್ರು
= ಮೂಕಂ ಕರೋತಿ ವಾಚಾಲಮ್
= ಸತ್ಯವನ್ನು ಬಾಯಿ ಬಿಡಿಸುವ ತಾಯಿ
= ಕುಡಿದವನಿಗೆ ಸಾಂಸಾರಿಕ ತಾಪತ್ರಯಗಳನ್ನು ತಾತ್ಕಾಲಿಕವಾಗಿ ಶಮನ ಮಾಡುವ ಪೇನ್ ಕಿಲ್ಲರ್
= ನಶೆಯೇರಿಸಿ ನಾಶ ಮಾಡುವ ವಿದ್ವಂಸಕ
= ಬ್ರ್ಯಾಂಡ್ ಮತ್ತು ಬಾಟಲ್ ಯಾವುದಾದರೇನು, ಒಳಗಿನ ಎಣ್ಣೆ ಒಂದೇ
= ಅಧರಕ್ಕೂ ಕಹಿ ಉದರಕ್ಕೂ ಕಹಿ
= ಚುನಾವಣೆಯ ಸಮಯದಲ್ಲಿ ಹಂಚಲ್ಪಡುವ ತೀರ್ಥ
ವಿಶ್ವನಾಥ ಸುಂಕಸಾಳ