ಟೀಕೆ
    ಠೀಕ್ ಇಲ್ಲ ಎಂಬ ಆರೋಪ
    ರಾಜಕಾರಣಿಗಳ ಮುಖ್ಯ ಉದ್ಯೋಗ
    ಬೇರೆಯವರ ಬೆನ್ನಿಗೆ ಮೆತ್ತಬಹುದಾದ ಕೆಸರು
    ಪರರು ಠಾಕು ಠೀಕಾಗಿಲ್ಲ ಎಂಬಲೂಸ್ ಟಾಕು
    ತಾನು ಠಕ್ಕ, ಪರರ ಮೇಲೆ ಮಾತ್ರ ಟೀಕೆ
    ಟೀಕೆಗಳಿರುವುದೇ ಕೇಳಿಸಿಕೊಂಡು ಬಿಡುವುದಕ್ಕೆ
    ತಲೆ ಕೊರೆಯುವ ಕೀಟ
    ಸರೀಕರು ಯಾರೂ ಸರಿಯಿಲ್ಲವೆಂಬ ಕೊಸರು
    ತನ್ನ ಮೀಸೆಯ ನೇರಕ್ಕೇ ಯೋಚಿಸುವಿಕೆಯ ಪರಿಣಾಮ
    ಕುಡಿಯಲು ಹೆದರುವವ ಗ್ಲಾಸ್ ಡೊಂಕು ಎನ್ನುವಿಕೆ
    ವ್ಯವಸ್ಥೆಯಲ್ಲಿನ ಅವ್ಯವಸ್ಥೆಯ ಬಗೆಗಿನ ಕೀರ್ತನ
    ದೋಷದ ದೂಷಣ
    ನಿಶ್ಶಸ್ತ್ರ ಪ್ರಹಾರದ ಸಾಧನ ಈ ದಂಡ
    ಬೇರೆಯವರ ಸಾಧನೆ ಏನೇನೂ ಇಲ್ಲ ಎಂದು ಸಾಧಿಸಲು ಬಳಸಲ್ಪಡುವ ಸಾಧನ
    ಸದನ ಕಲಾಪದಲ್ಲಿ ಇತರರ ಮೇಲೆ ಹೊರಿಸುವ ಲೋಪಾರೋಪ
    ಆದರವಿಲ್ಲದವರ ಮೇಲಿನ ಅಧಾರರಹಿತ ಹೇಳಿಕೆ

ವಿಶ್ವನಾಥ ಸುಂಕಸಾಳ
vishwasunkasal@yahoo.com