ಶ್ರಮ
    ಇದನ್ನು ಅನುಸರಿಸಬಹುದೇ ಹೊರತು ಕದಿಯುವುದಕ್ಕಾಗದು
    ಯಶಸ್ಸಿನ ಅರ್ಧಾಂಗಿ, ಪ್ರತಿಭೆಯ ಅತ್ಯುತ್ತಮ ಸ್ನೇಹಿತ
    ಆಸ್ತಿ ಗಳಿಸಲು ಆಸ್ಥೆ ವಹಿಸುವವರೆಲ್ಲ ಇದನ್ನೂ ವಹಿಸಬೇಕಾಗುತ್ತದೆ
    ಫಲವನ್ನು ವಿಧಿ ನಿರ್ವಹಿಸುತ್ತದೆ ಆದರೆ ನಾವು ನಿರ್ವಹಿಸಬೇಕಾದದ್ದು ಶ್ರಮವನ್ನು
    ಶ್ರಮ ವಹಿಸಲು ಸಿದ್ಧವಿಲ್ಲದವರು ಸಿದ್ಧರ ವೇಷದಲ್ಲಿ ಆಶ್ರಮ ಸೆರುವುದು ವಾಸಿ
    ಇದೇ ಶ್ರಮಿಕ ವರ್ಗದ ಆಸ್ತಿ
    ಶ್ರಮವಿಲ್ಲದೇ ಲಭಿಸುವುದು ಮತ್ತು ಶ್ರಮದ ಹೊರತಾಗಿಯೂ ಲಭಿಸದಿರುವುದು ಎರಡೂ ಅದೃಷ್ಟಾಧೀನ
    ವಿಶ್ರಾಮ ತೆಗೆದುಕೊಳ್ಳುವ ಮುಂಚೆ ಮಾಡಬೇಕಾದ ವ್ಯಾಯಾಮ
    ಈ ವಿಷಯದಲ್ಲಿ ಮಾತ್ರ ಉಳಿತಾಯ ಬುದ್ಧಿ ಸಲ್ಲದು
    ಶ್ರಮಕ್ಕೆ ತಕ್ಕ ಫಲ ಕೆಲವೊಮ್ಮೆ ಸಿಗುವುದಿಲ್ಲ ಆದರೂ ಶ್ರಮವಹಿಸುವಲ್ಲಿ ವಿಫಲರಾಗಬಾರದು
    ದುಡಿಮೆಯೇ ದುಡ್ಡಿನ ತಾಯಿ, ಶ್ರಮವೇ ಅದರ ತಂದೆ
    ಕೆಲವರು ಶ್ರಮಪಡುವುದಕ್ಕಿಂತ ಮೊದಲೇ ವಿಶ್ರಾಂತಿ ಪಡೆಯುತ್ತಾರೆ. ಅವರೇ ಆಲಸಿಗಳು
    ನಿಮ್ಮ ಪ್ರತಿಭೆಯನ್ನು ಯಾರಾದರೂ ಕದಿಯಬಹುದು, ಆದರೆ ಶ್ರಮವನ್ನು ಯಾರಿಂದಲೂ ಕದಿಯಲು ಸಾಧ್ಯವಿಲ್ಲ
    ವಿಜಯಿಗಳ ಬಂಡವಾಳ
    ಮನುಷ್ಯ ಅತ್ಯಂತ ಕಡಿಮೆ ಆದ್ಯತೆ ಕೊಡುವ ವಿಷಯ  

ವಿಶ್ವನಾಥ ಸುಂಕಸಾಳ
vishwasunkasal@yahoo.com