ಶಾಣ್ಯಾ
=     ಚಾಲೂ ಪದದ ಆಡುಭಾಷೆಯ ಸಮಾನಾರ್ಥಕ
=     ಜಾರುವುದನ್ನು ತಡೆವ ಜೋರುತನ
=     ಒಪ್ಪಿಸಿಕೊಳ್ಳುವುದು ಭೋಳೇತನ, ತಪ್ಪಿಸಿಕೊಳ್ಳುವುದು ಶಾಣ್ಯಾತನ
=     ಉತ್ತರ ಕರ್ನಾಟಕದ ಉದ್ದಾಮ ಪಂಡಿತ
=     ಸ್ವಲ್ಪ ಜಾಸ್ತಿಯಾದರೆ 'ಅಧಿಕ್ ಶಾಣ್ಯಾ' ಎನಿಸಿಕೊಳ್ಳುವವ
=     ಬುದ್ಧಿಯನ್ನು ಬೇಡವಾದ ಕಡೆಗೂ ಬೇಕಾದಂತೆ ಉಪಯೋಗಿಸಿಕೊಳ್ಳಬಲ್ಲವ
=     ಬುದ್ಧಿವಂತನಿಗೆ ಮೂರು ಕಡೆ. ಶಾಣ್ಯಾನಿಗೆ ಮೂರೂವರೆ ಕಡೆ.
=     ಮಿತಿಗಿಂತ ಒಂದು ಇಂಚು ಹೆಚ್ಚು ಜಾಣತನವುಳ್ಳವ
=     ಪೆದ್ದನ ಪೆದ್ದುತನವನ್ನು ಉಪಯೋಗಿಸಿ ತಾನು ಲಾಭ ಪಡೆಯಬಲ್ಲವ
=     ವಾಣಿಯನ್ನು ಹದ್ದುಬಸ್ತಿನಲ್ಲಿಟ್ಟುಕೊಂಡವರೆಲ್ಲ ಶಾಣ್ಯಾಗಳೇ
=     ಶಾಣ್ಯಾ ಎನಿಸಿಕೊಳ್ಳುವುದೂ ಶಾಣ್ಯಾತನದ ಸಂಕೇತವೇ. ಶಾಣ್ಯಾ ಇರಲೇಬೇಕೆಂದು ಅರ್ಥವಲ್ಲ
=     ಪರೀಕ್ಷೆಯ ಮುಂಚಿನ ದಿನವೂ ಓದುವವ ದಡ್ಡ. ಆ ದಿನ ಕಾಪಿಚೀಟಿ ರೆಡಿಮಾಡಿಕೊಳ್ಳುವವ ಶಾಣ್ಯಾ
=     ಶಾಣ್ಯಾತನವನ್ನು ಬಳಸಿಕೊಳ್ಳುವುದಕ್ಕೂ ಮತ್ತು ಬೆಳೆಸಿಕೊಳ್ಳುವುದಕ್ಕೂ ಶಾಣ್ಯಾನೇ ಆಗಿರಬೇಕು
=     ಕಷ್ಟಪಟ್ಟು ದೇಹ ಬೆಳೆಸಿಕೊಳ್ಳುವವರು ಶ್ರಮಿಗಳು. ಅವರನ್ನು ಬೇಕೆಂದಾಗ ಬಳಸಿಕೊಳ್ಳುವವರು ಶಾಣ್ಯಾಗಳು
=     ಪ್ರಜ್ಞಾವಂತರು ವೋಟ್ ಮಾಡುತ್ತಾರೆ. ಶಾಣ್ಯಾಗಳು ಸಾಮಾಜಿಕ ತಾಣಗಳಲ್ಲಿ ಬೊಂಬಡ ಹೊಡೆಯುತ್ತಾರೆ

ವಿಶ್ವನಾಥ ಸುಂಕಸಾಳ
vishwasunkasal@yahoo.com