ತಂಬಿಟ್ಟು

ಬೇಕಾಗುವ ಪದಾರ್ಥಗಳು:

• ಅಕ್ಕಿ – 1 ಪಾವು

• ಬೆಲ್ಲದ ಪುಡಿ – 2 ಬಟ್ಟಲು

• ಕಾಯಿತುರಿ –2 ಬಟ್ಟಲು

• ಏಲಕ್ಕಿಪುಡಿ – ಸ್ವಲ್ಬ

ಮಾಡುವ ವಿಧಾನ...

ಅಕ್ಕಿಯನ್ನು ಒಂದು ಗಂಟೆ ನೆನಸಿಟ್ಟು, ನೀರು ಬಸಿದು, ಕಾಟನ್ ಬಟ್ಟೆ ಮೇಲೆ ನೆರಳಿನಲ್ಲಿ ಒಣಗಲು ಬಿಡಿ.

ಬಳಿಕ ಕುಟ್ಟಿ ಜರಡಿ ಹಿಡಿಯಿರಿ. ಆ ಸಣ್ಣ ಹಿಟ್ಟಿಗೆ, ಕಾಯಿತುರಿ, ಬೆಲ್ಲದಪುಡಿ, ಏಲಕ್ಕಿಪುಡಿ ಹಾಕಿ, ಕುಟ್ಟಿ, ಬಳಿಕ ಉಂಡೆ ಕಟ್ಟಿಡಿ. (ನೀರು ಸೇರಿಸಬೇಡಿ. ಕಾಯಿತುರಿ ಹಾಗೂ ಬೆಲ್ಲದಿಂದಲೇ ಅಂಟು ಬಂದು ಉಂಡೆ ಕಟ್ಟಬಹುದು).

ಚಿಗಳಿ

ಬೇಕಾಗುವ ಪದಾರ್ಥಗಳು...

• ಕರಿಎಳ್ಳು – 1 ಬಟ್ಟಲು

• ಬೆಲ್ಲದಪುಡಿ –1/4 ಬಟ್ಟಲು

ಮಾಡುವ ವಿಧಾನ...

ಎಳ್ಳನ್ನು ಕಮ್ಮಗೆ ಹುರಿದು, ಬೆಲ್ಲದಪುಡಿ ಸೇರಿಸಿ ಕುಟ್ಟಿ ಉಂಡೆ ಕಟ್ಟಿ. (ನಾಗಪ್ಪನಿಗೆ ನೈವೇದ್ಯಕ್ಕೆ ಮಾತ್ರ, ಹಸಿಎಳ್ಳನ್ನೇ ಕುಟ್ಟಿ, ಬೆಲ್ಲ ಸೇರಿಸಿ ಉಂಡೆ ಕಟ್ಟಿ.)