ಸ್ಮಾರ್ಟ್ ಫೋನ್ ಉತ್ಪಾದಕ ದೇಶಿಯ ಸಂಸ್ಥೆ ಲಾವಾ ಫೆ.06 ರಂದು ಅಗ್ಗದ ದರದಲ್ಲಿ ಸ್ಮಾರ್ಟ್ ಫೋನ್ ನ್ನು ಬಿಡುಗಡೆ ಮಾಡಿದೆ. 

'ಲಾವಾ Z53' ಬಿಡುಗಡೆ ಮಾಡಿರುವ ಹೊಸ ಸ್ಮಾರ್ಟ್ ಫೋನ್ ಆಗಿದ್ದು,  4,829 ರೂಪಾಯಿಗಳಲ್ಲಿ ಲಭ್ಯವಿದೆ. ಸ್ಮಾರ್ಟ್ ಫೋನ್ ನಲ್ಲಿ ಎಂಟ್ರಿ-ಲೆವೆಲ್ ಹ್ಯಾಂಡ್ ಸೆಟ್ ಇದಾಗಿದ್ದು, ಆಂಡ್ರಾಯ್ಡ್ 9 Pie (Go Edition) ಕಾರ್ಯನಿರ್ವಹಣಾ ವ್ಯವಸ್ಥೆ (ಒ.ಎಸ್) ಯನ್ನು ಹೊಂದಿದೆ. ಕ್ವಾಡ್-ಕೋರ್ ಪ್ರೊಸೆಸರ್, 6.1 ಇಂಚಿನ ಪರದೆ. 8 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮರಾ, 1 ಜಿಬಿ ಆರ್.ಎ.ಎಂ 16 ಜಿಬಿ ವರೆಗಿನ ಆಂತರಿಕ ಸಂಗ್ರಹಣಾ ಸಾಮರ್ಥ್ಯ ಹೊಂದಿದೆ.

ರಿಲಾಯನ್ಸ್ ಜಿಯೋ ಬಳಕೆದಾರರಿಗೆ ವಿಶೇಷ ಆಫರ್ ನೀಡಲಾಗಿದ್ದು, ಜಿಯೋ ಬಳಕೆದಾರರು ಈ ಹ್ಯಾಂಡ್ ಸೆಟ್ ನ್ನು ಖರೀದಿಸಿದರೆ 1,200 ರೂಪಾಯಿ ಕ್ಯಾಷ್ ಬ್ಯಾಕ್ ಹಾಗೂ 50 ಜಿಬಿ ಡೇಟಾ ಹೆಚ್ಚುವರಿಯಾಗಿ ಲಭ್ಯವಾಗಲಿದೆ. ಪ್ರಿಸ್ಮ್ ಬ್ಲೂ ಮತ್ತು ಪ್ರಿಸ್ಮ್ ಗುಲಾಬಿ ಬಣ್ಣದಲ್ಲಿ Z53 ಲಭ್ಯವಿದೆ.