ಕಂಪ್ಲಿ: ಹೊಸಪೇಟೆ ತಾಲೂಕಿನ ಕಂಪ್ಲಿಯಲ್ಲಿ ವ್ಯಕ್ತಿಯೊಬ್ಬ ತನ್ನ ಪತ್ನಿ, ನಾದಿನಿ ಮತ್ತು ಮೂರು ಮಕ್ಕಳನ್ನು ಮಚ್ಚಿನಿಂದ ಕೊಲೆ ಮಾಡಿ ಪೊಲೀಸರಿಗೆ ಶರಣಾಗಿರುವ ಘಟನೆ ಕಳೆದ ರಾತ್ರಿ ನಡೆದಿದೆ.
ಕಂಪ್ಲಿ ನಿವಾಸಿ ಚಂಚನಗುಡ್ಡದ ತಿಪ್ಪಯ್ಯ ತನ್ನದೇ ಕುಟುಂಬದವರನ್ನು ಭರ್ಜರವಾಗಿ ಕೊಚ್ಚಿ ಕೊಲೆ ಮಾಡಿದ್ದಾನೆ. ತಿಪ್ಪಯ್ಯ ಪತ್ನಿ ಫಕೀರಮ್ಮ, ಆಕೆಯ ಸಹೋದರಿ ಗಂಗಮ್ಮ, ಮಕ್ಕಳಾದ ಬಸಮ್ಮ, ರಾಜು ಮತ್ತು ಪವಿತ್ರಾ ಹತ್ಯೆಗೊಳಗಾದ ದುರ್ದೈವಿಗಳು.
ಹಠಾಟ್ ಕುಟುಂಬಸ್ಥರ ಮೇಲೆ ಹಲ್ಲೆ ಮಾಡಿದ ತಿಪ್ಪಯ್ಯ ನೇರವಾಗಿ ಪೊಲೀಸ್ ಠಾಣೆಗೆ ತೆರಳಿ ಶರಣಾಗಿದ್ದಾನೆ. ನಂತರ ಪೊಲೀಸರು ಆತನ ಮನೆಗೆ ಬಂದ ನಂತರವೇ ವಿಷಯ ಬೆಳಕಿಗೆ ಬಂದಿದೆ. ಇಂತಹ ದುಷ್ಕೃತ್ಯಕ್ಕೆ ಕಾರಣ ಏನೆಂಬುದು ತಿಳಿದುಬಂದಿಲ್ಲ.