ಬೆಂಗಳೂರು: ಹಾಸನ ಜಿಲ್ಲೆಯ ಶ್ರವಣಬೆಳಗೊಳದಲ್ಲಿ ನಡೆಯುತ್ತಿರುವ ಮಹಾಮಸ್ತಕಾಭಿಷೇಕ ಪ್ರಯುಕ್ತ ಇಂದಿನಿಂದ ಹೆಚ್ಚುವರಿ ಎರಡು ರೈಲುಗಳು ಸಂಚರಿಸುವ ಮೂಲಕ 8 ವಿಶೇಷ ರೈಲುಗಳು ಸಂಚಾರವಾಗಲಿದೆ. ಮೀರಜ್ ನಿಂದ ಹಾಸನಕ್ಕೆ ಸಂಪರ್ಕಿಸುವ ವಿಶೇಷ ರೈಲು ಕೂಡ ಸಂಚಾರವಾಗಲಿದೆ.

ಬೆಂಗಳೂರು-ಹಾಸನ-ಶ್ರವಣಬೆಳಗೊಳಕ್ಕೆ ಸಂಪರ್ಕಿಸುವ ಡೀಸೆಲ್ ಎಲೆಕ್ಟ್ರಿಕ್  ಮಲ್ಟಿಪಲ್ ಯೂನಿಟ್(ಡೆಮು) ಈಗಾಗಲೇ 3 ವಿಶೇಷ ರೈಲುಗಳು ಸಂಚರಿಸುತ್ತಿವೆ.

 ಇನ್ನೊಂದೆಡೆ ರಾಜ್ಯ ರಸ್ತೆ ಸಾರಿಗೆ ನಿಗಮ ಕೂಡ ರಾಜ್ಯದ ಪ್ರಮುಖ ಸ್ಥಳಗಳಿಂದ 175 ಹೆಚ್ಚುವರಿ ಬಸ್ ಗಳನ್ನು ಬಿಡುತ್ತಿದೆ. 60 ಮಧ್ಯಮ ಮತ್ತು ಸಣ್ಣ ನಗರ ಸಾರಿಗೆ ಬಸ್ ಗಳು ಶ್ರವಣಬೆಳಗೊಳದ ಉಪ ನಗರಗಳು ಮತ್ತು ರೈಲ್ವೆ ನಿಲ್ದಾಣಗಳಿಂದ ಮಹಾಮಸ್ತಕಾಭಿಷೇಕ ಸ್ಥಳಕ್ಕೆ ಸಂಚರಿಸಲಿದೆ.

ಪ್ರಯಾಣಿಕರು ತಮ್ಮ ಟಿಕೆಟ್ ಗಳನ್ನು www.ksrtc.in ಮೂಲಕ ಕಾಯ್ದಿರಿಸಬಹುದು.