ಬೀದರ್: ಬೀದರ್ ಜಿಲ್ಲೆ ಕುಗ್ರಾಮದಿಂದ ಬಂದ ಯುವತಿಯೊಬ್ಬಳು ಒಂಡೋನೇಷಿಯಾದಲ್ಲಿ ನಡೆದ ಮಿಸ್ ಇಂಡಿಯಾ ಇಂಟರ್ ನ್ಯಾಷನಲ್ 2019 ಪ್ರಶಸ್ತಿ ಗೆಲ್ಲುವ ಮೂಲಕ ಕರುನಾಡಿಗೆ ಹೆಮ್ಮೆ ತಂದಿದ್ದಾರೆ. ಬೀದರ್ ನ ಹುಮನಾಬಾದ್ ತಾಲೂಕಿನ ಧುಮ್ಮನಸೂರು ಗ್ರಾಮದ ಚೆಲುವೆ ನಿಶಾ ತಾಳಂಪಳ್ಲಿ ಈ ಸಾಲಿನ "ಮಿಸ್ ಇಂಡಿಯಾ" ಆಗಿ ಹೊರಹೊಮ್ಮಿದ್ದಾರೆ.

ದೇಶದ ವಿವಿಧೆಡೆಯಿಂದ 30 ಜನ ಸ್ಪರ್ಧಿಗಳು ಭಾಗವಹಿಸಿದ್ದ ಸ್ಪರ್ಧೆಯಲ್ಲಿ ಕನ್ನಡ ನಾಡಿನಿಂದ ಆಯ್ಕೆಯಾಗಿದ್ದ ಏಕೈಕ ಸುಂದರಿ ನಿಶಾ ಆಗಿದ್ದರು. ”

ಎನ್.ಇ..ಕೆ.ಆರ್.ಟಿ.ಸಿ. ಹುಮನಾಬಾದ್ ಘಟಕದಲ್ಲಿ ಕ್ಯಾಶಿಯರ್ ಆಗಿರುವ ತಂದೆ ಶ್ರೀನಿವಾಸ ತಾಳಂಪಳ್ಳಿ ಹಾಗೂ ತಾಇ ಇಂದುಮತಿಯವರ ಪುತ್ರಿಯಾದ ನಿಶಾ  ಪಿಯುಸಿ ಮುಗಿಸಿ ಹೈದರಾಬಾದ್ ನಲ್ಲಿ ಡಿಪ್ಲೊಮಾ ಇನ್ ಎವಿಎಷನ್  ಮಾಡಿದ್ದಾರೆ. ಅಲ್ಲಿ ಒಂದು ತಿಂಗಳ ತರಬೇತಿ ಹೊಂದಿದ್ದರು.

ನವೆಂಬರ್ ೧೪ರಿಂಡ ೧೮ರವರೆಗೆ ಈ ಸ್ಪರ್ಧೆ ನಡೆದಿದ್ದು ಸೌಂದರ್ಯ ಹಾಗೂ ಪ್ರತಿಭೆಗಳೆರಡರಲ್ಲಿಯೂ ಸವಾಲೆಸೆದು ನಿಶಾ ಮಿಸ್ ಇಂಡಿಯಾ ಕಿರೀಟವನ್ನು ತನ್ನದಾಗಿಸಿಕೊಂಡಿದ್ದಾರೆ.