ಬೆಂಗಳೂರು: ನಮೀಬಿಯಾದ ಚಿರತೆಗಳು ಭಾರತಕ್ಕೆ ಬಂದಿಳಿದಿದ್ದು, ಕರ್ನಾಟಕ ಅರಣ್ಯ ಇಲಾಖೆ ಅಧಿಕಾರಿಗಳು ಮತ್ತು ತಜ್ಞರ ನಿರಾಸಕ್ತಿಯಿಂದ ರಾಜ್ಯಕ್ಕೆ ಚೀತಾ ದರ್ಶನ ತಡವಾಗಲಿದೆ.
ಬನ್ನೇರುಘಟ್ಟ ಜೈವಿಕ ಉದ್ಯಾನವನವು (ಬಿಬಿಪಿ) ಮೃಗಾಲಯದಲ್ಲಿ ಚಿರತೆಗಳಿಗಾಗಿ ಹೆಚ್ಚು ಸಮಯ ಕಾಯಬೇಕಾಗುತ್ತದೆ ಎಂದು ಬಿಬಿಪಿ ಅಧಿಕಾರಿಗಳು ಹೇಳಿದ್ದಾರೆ. ಕರ್ನಾಟಕ ಮೃಗಾಲಯ ಪ್ರಾಧಿಕಾರ (ZAK) ಮೈಸೂರು ಮೃಗಾಲಯದಲ್ಲಿ ಯಶಸ್ವಿ ಸಂತಾನೋತ್ಪತ್ತಿಯ ನಿರೀಕ್ಷೆಯಲ್ಲಿದೆ. ಪ್ರಸ್ತುತ, ಮೃಗಾಲಯದಲ್ಲಿ ಒಂದು ಗಂಡು ಮತ್ತು ಎರಡು ಹೆಣ್ಣುಸ ಚಿರತೆಗಳಿದ್ದು, ಹೈದರಾಬಾದ್ ನಲ್ಲಿ ಒಂದು ಗಂಡು ಚಿರತೆ ಇದೆ.
ಈ ಕುರಿತು ಮಾತನಾಡಿರುವ ZAK ಅಧಿಕಾರಿಯೊಬ್ಬರು, 'ಜಗತ್ತಿನಾದ್ಯಂತ ಪ್ರಾಣಿಸಂಗ್ರಹಾಲಯಗಳಲ್ಲಿ ಚಿರತೆಗಳ ಕೊರತೆಯಿದೆ, ಆದ್ದರಿಂದ ಅವುಗಳನ್ನು BBP ಗೆ ಪಡೆಯುವುದು ಕಷ್ಟ. ಇದು ಬಹಳ ಹಿಂದಿನಿಂದಲೂ ಸಂಗ್ರಹಿಸಬೇಕಾದ ಕಾಡು ಪ್ರಾಣಿಗಳ ಪಟ್ಟಿಯಲ್ಲಿದೆ. ಮೈಸೂರು ಮೃಗಾಲಯದ ತಳಿಯ ಚಿರತೆಗಳ ನಂತರ, BBP ಅವುಗಳನ್ನು ಪಡೆಯಲು ಸಾಧ್ಯವಾಗುತ್ತದೆ ಎಂದು ನಾವು ಆಶಿಸುತ್ತಿದ್ದೇವೆ ಎಂದು ಹೇಳಿದ್ದಾರೆ.
“ಭಾರತದಲ್ಲಿ, ಮೈಸೂರು ಮೃಗಾಲಯ ಮಾತ್ರ ಯಶಸ್ವಿ ಸಂತಾನೋತ್ಪತ್ತಿಯನ್ನು ಕಂಡಿದೆ, ಆದರೆ ಅವು ನಂತರ ಸತ್ತವು. ಪ್ರಸ್ತುತ ಇರುವ 3 ಚಿರತೆಗಳನ್ನು 2019-20ರಲ್ಲಿ ತರಲಾಗಿದೆ ಎಂದು ಮೈಸೂರು ಮೃಗಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ. ಕುನೊ ರಾಷ್ಟ್ರೀಯ ಉದ್ಯಾನವನಕ್ಕೆ ತರಲಾದ ಪ್ರಭೇದಗಳು ಭಾರತೀಯ ಉಪಖಂಡದಲ್ಲಿ ಬೆಳೆಯುವ ಏಷ್ಯಾಟಿಕ್ ಅಲ್ಲ ಎಂದು ಅರಣ್ಯಾಧಿಕಾರಿಗಳು ಮತ್ತು ತಜ್ಞರು ವಿವರಿಸಿದ್ದಾರೆ.
ಇದನ್ನೂ ಓದಿ: ಮಧ್ಯ ಪ್ರದೇಶ: ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿ ಚೀತಾಗಳನ್ನು ಬಿಟ್ಟ ಪ್ರಧಾನಿ ಮೋದಿ; ಕೆಲ ತಿಂಗಳು ತೀವ್ರ ನಿಗಾ
“ಕರ್ನಾಟಕ ಕಾಡುಗಳು, ಹುಲ್ಲುಗಾವಲುಗಳು ಮತ್ತು ಇತರ ಪ್ರದೇಶಗಳನ್ನು ಒಳಗೊಂಡಂತೆ, ವರ್ಷಗಳಿಂದಲೂ ಬದಲಾಗಿದೆ. ಪ್ರದೇಶಗಳಲ್ಲಿ ಮತ್ತು ಸುತ್ತಮುತ್ತಲಿನ ಮಾನವ ಮತ್ತು ವನ್ಯಜೀವಿ ಜನಸಂಖ್ಯೆಯು ಬದಲಾಗಿದೆ ಮತ್ತು ಹೊಸ ಜಾತಿಯ ಪರಿಚಯವು ಸಾಧ್ಯವಾಗುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ನಾವು ಪ್ರಯೋಗ ಮಾಡಲು ಸಾಧ್ಯವಿಲ್ಲ, ಮತ್ತು ಕುನೋದಲ್ಲಿನ ಚೀತಾಗಳ ಭವಿಷ್ಯ ಏನಾಗುತ್ತದೆ ಎಂಬುದನ್ನು ಕಾದು ನೋಡಬೇಕು ಎಂದು ಹಿರಿಯ ಅರಣ್ಯ ಇಲಾಖೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ತಜ್ಞರು ಕೂಡ ಇದೇ ಅಭಿಪ್ರಾಯವನ್ನು ಹೊಂದಿದ್ದಾರೆ ಮತ್ತು ಇಲ್ಲಿನ ಪ್ರದೇಶಗಳು ಈಗ ಸಿಂಹಗಳು, ಹುಲಿಗಳು ಮತ್ತು ಚಿರತೆಗಳಿಗೆ ನೆಲೆಯಾಗಿದೆ ಮತ್ತು ಈ ಹೊಸ ಚೀತಾ ಪ್ರಯೋಗವು ಹಾನಿಕಾರಕವಾಗಬಹುದು ಎಂದು ಹೇಳಿದ್ದಾರೆ.