-     ಎಂ.ಬಿ. ಕೃಷ್ಣಮೂರ್ತಿ, ಚಾಮರಾಜನಗರ.
    ಸತ್ಯವನ್ನೇ ಹೇಳುತ್ತಿದ್ದ ಸತ್ಯಹರಿಶ್ಚಂದ್ರನಿಗೆ ಸ್ಮಶಾನ ಕಾಯುವ ಗತಿ ಏಕೆ ಬಂತು?
    - ನೂರಕ್ಕೆ ನೂರಾಒಂದರಷ್ಟು ಸತ್ಯ ಹೇಳಿದ್ದಕ್ಕೆ!
-      ಕಾಳಿಹುಂಡಿ ಶಿವಕುಮಾರ್, ಮೈಸೂರು.
    ಮೋಕ್ಷಕ್ಕೂ, ಕಪಾಳ ಮೋಕ್ಷಕ್ಕೂ ವ್ಯತ್ಯಾಸವೇನು?
    - ಮೋಕ್ಷಕ್ಕೆ ಭಾರಿ ಪುಣ್ಯದ ಕೆಲಸ ಮಾಡಬೇಕು, ಕಪಾಳ ಮೋಕ್ಷಕ್ಕೆ ಒಂದು 'ಸಣ್ಣ' ಕೆಲಸ ಮಾಡಿದ್ರೂ ಸಾಕು!
-     ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ.
    ಪ್ರೀತಿಸುವ ಪ್ರತಿಯೊಬ್ಬರೂ ಕವಿಗಳಂತೆ, ಪ್ರೀತಿಸದವರು?
    - ಕಟು ವಿಮರ್ಶಕರು!
-     ಜೆ.ಆರ್. ಆದಿನಾರಾಯಣಮುನಿ, ಶ್ರಿಕೋಡಿಹಳ್ಳಿಮಠ
    ನಾವು ಕೋರುವ ಶಾಂತಿ, ಶ್ರದ್ಧಾಂಜಲಿಗಳು ನಿಜಕ್ಕೂ ಮೃತರ ಆತ್ಮ ಮುಟ್ಟುತ್ತವೆಯೇ?
    - ಪತ್ರಿಕೆ, ಟಿವಿಯವರನ್ನು ಮುಟ್ಟಿದ್ರೆ ಸಾಕು!
-     ವಿ. ಹೇಮಂತಕುಮಾರ್, ಬೆಂಗಳೂರು.
    ಕತ್ತೆ ಮೇಯ್ದ ಜಾಗದಲ್ಲಿ ಕುದುರೆಗೆ ಮೇವು ಸಿಗುತ್ತದೆಯೇ?
    - ನೀವು ಯಾವ ಅಧಿಕಾರಿ, ರಾಜಕಾರಣಿ ಬಗ್ಗೆ ಈ ಪ್ರಶ್ನೆ ಕೇಳ್ತಿದ್ದೀರಿ?
ಟ     ಪೇಂಟರ್ ಪಾಪು, ಸಂತೇಮರಹಳ್ಳಿ.
    ಹಿರಿತಲೆಯೊಂದು ಮನೆಯಲ್ಲಿ ಇರಬೇಕಂತೆ ಯಾಕೆ?
    - ಮನೆಗೊಂದು ಅಜ್ಜಿ, ಒಲೆಗೊಂದು ಕುಂಟೆ ಇರಬೇಕೂಂತ ಗಾದೆನೇ ಇಲ್ವೇ!
-ಟ      ವಿ. ಹೇಮಂತಕುಮಾರ್, ಬೆಂಗಳೂರು.
    ಇಷ್ಟಪಟ್ಟವಳ ಹೃದಯ ಕದ್ದರೆ ಎಷ್ಟು ವರ್ಷ ಶಿಕ್ಷೆ?
    - ಮದುವೆಯಾದರೆ ಜೀವಾವಧಿ ಶಿಕ್ಷೆ!
-    ಪಿ.ಜೆ. ರಾಘವೇಂದ್ರ, ಮೈಸೂರು.
    ನಾವು ಅವರಿಗೆ ಮತ ನೀಡುವುದೂ ಮೂಢನಂಬಿಕೆಯೇ?
    - ಅದಕ್ಕಾಗಿ ಅವರು 'ಉರುಳು ಸೇವೆ' ಮಾಡ್ತಾರಲ್ಲ!
-     ಅಂದಾನಯ್ಯ ತಿಗರಿಮಠ, ಅಳವಂಡಿ
    ಸಿದ್ರಾಮಣ್ಣ ರೈತರಿಗೆ ಕಬ್ಬಿನ ಸಿಹಿ ಕೊಡುವುದು ಯಾವಾಗ?
    - ಅವರ ಮಂತ್ರಿಗಳೇ 'ಬೆಂಬಲ ಬೆಲೆ' ಕೊಟ್ಟಾಗ!