ಆಗ್ರಾ: 6 ತಿಂಗಳ ಹಿಂದೆ ನಿಧನ ಹೊಂದಿದ್ದ ತಾಯಿಯ ಅಸ್ಥಿ ಪಂಜರದ ಪಕ್ಕದಲ್ಲಿ ಮಗಳ ಶವವೊಂದು ಪತ್ತೆಯಾಗಿರುವ ಘಟನೆ ಉತ್ತಪ್ರದೇಶದ ಆಗ್ರಾದಲ್ಲಿ ನಡೆದಿದೆ.
45 ವರ್ಷದ ಬೀನಾ ಮೃತ ಮಹಿಳೆಯಾಗಿದ್ದಾರೆ. 6 ತಿಂಗಳ ಹಿಂದಷ್ಟೇ ಬೀನಾ ಅವರ ತಾಯಿ ನಿಧನಹೊಂದಿದ್ದರು. ಅರ್ಜುನ ನಗರದ ಮನೆಯೊಂದರಲ್ಲಿ ಬೀನಾ ವಾಸವಿದ್ದರು. ಕೆಲ ದಿನಗಳಿಂದ ಬೀನಾ ಕಾಣಿಸಿಕೊಂಡಿರಲಿಲ್ಲ. ಅಲ್ಲದೆ ಮನೆಯಿಂದ ದುರ್ನಾತ ಬರುತ್ತಿತ್ತು.
ಹೀಗಾಗಿ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಬಂದ ಪೊಲೀಸರು ಬಾಗಿಲು ತೆಗೆದು ನೋಡಿದಾಗ ಅಸ್ಥಿಪಂಜರದ ಪಕ್ಕವೇ ಬೀನಾ ಅವರ ಮೃತದೇಹ ಪತ್ತೆಯಾಗಿದೆ.
ಪ್ರಸ್ತುತ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ತನಿಖೆ ಪ್ರಗತಿಯಲ್ಲಿದೆ ಎಂದು ಪೊಲೀಸರು ಹೇಳಿದ್ದಾರೆ.