ಮೇದಿನಿನಗರ್: ಜಾರ್ಖಾಂಡ್ ನ ಪಲಮೌ ಜಿಲ್ಲೆಯ ಕರಿಮಟಿ ಘಾಟಿ ಬಳಿ 7 ಜೀವಂತ ಗ್ರೆನೇಡ್ ಗಳನ್ನು ಭದ್ರತಾ ಪಡೆಗಳು ವಶಕ್ಕೆ ಪಡೆದುಕೊಂಡಿದ್ದಾರೆಂದು ಭಾನುವಾರ ತಿಳಿದುಬಂದಿದೆ.
ಪಂಕಿ-ಬಾಲುಮಠ್ ರಸ್ತೆಯಲ್ಲಿ ಜೀವಂತ ಗ್ರೆನೇಡ್ ಗಳು ದೊರಕಿದ್ದು, ಕೂಡಲೇ ಸ್ಥಳಕ್ಕಾಗಮಿಸಿದ ಭದ್ರತಾಧಿಕಾರಿಗಳು ಗ್ರೆನೇಡ್ ಗಳನ್ನು ನಿಷ್ಕ್ರಿಯಗೊಳಿಸಿದ್ದಾರೆ.
ಖಚಿತ ಮಾಹಿತಿ ಆಧಾರದ ಮೇರೆಗೆ ಜಿಲ್ಲಾ ಪೊಲೀಸರು ನಕ್ಸಲ್ ಪೀಡಿತ ಪ್ರದೇಶದಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದರು. ಈ ವೇಳೆ ಗ್ರೆನೇಡ್ ಗಳು ಪತ್ತೆಯಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಸ್ತುತ ಸ್ಥಳದಲ್ಲಿ ಕಾರ್ಯಾಚರಣೆಯನ್ನು ಮುಂದುವರೆಸಲಾಗುತ್ತಿದೆ ಎಂದು ಪಲಮೌ ಎಸ್ ಪಿ ಇಂದ್ರಜೀತ್ ಮೆಹಥಾ ಅವರು ಹೇಳಿದ್ದಾರೆ.