ಮುಂಬೈ: ಉತ್ತರಪ್ರದೇಶದ ಉಗ್ರ ನಿಗ್ರಹ ತಂಡದೊಂದಿಗೆ ಕೈಜೋಡಿಸಿದ್ದ ಮುಂಬೈ ಪೊಲೀಸರು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದು, ಮತ್ತೊಬ್ಬ ಶಂಕಿತ ಇಸಿಸ್ ಏಜೆಂಟ್'ವೊಬ್ಬನನ್ನು ಬುಧವಾರ ರಾತ್ರಿ ಬಂಧನಕ್ಕೊಳಪಡಿಸಿದೆ. 

ನಿನ್ನೆಯಷ್ಟೇ ಉತ್ತರಪ್ರದೇಶ ಉಗ್ರ ನಿಗ್ರಹ ಪಡೆ ಅಧಿಕಾರಿಗಳು ಫೈಜಾಬಾದ್ ನಲ್ಲಿ ಶಂಕಿತ ಇಸಿಸ್ ಏಜೆಂಟ್ ವೊಬ್ಬನನ್ನು ಬಂಧಿಸಿ, ವಿಚಾರಣೆ ನಡೆಸಿತ್ತು. ಬಂಧಿತನನ್ನು ಅಫ್ತಾಬ್ ಅಲಿ ಎಂದು ಗುರ್ತಿಸಲಾಗಿತ್ತು. ಇದರ ಬೆನ್ನಲ್ಲೇ ಮತ್ತೊಬ್ಬ ಶಂಕಿತನನ್ನು ಅಧಿಕಾರಿಗಳು ಬಂಧನಕ್ಕೊಳಪಡಿಸಿದೆ. 

ಬಂಧನಕ್ಕೊಳಗಾಗಿರುವ ಶಂಕಿತನನ್ನು ಅಲ್ತಾಫ್ ಅಲಿ ಎಂದು ಹೇಳಲಾಗುತ್ತಿದ್ದು, ಯೂಸುಫ್ ಮಜಿಲ್ ಎಂಬ ಕಟ್ಟಡದಲ್ಲಿ ಈತನನ್ನು ಬಂಧಿಸಿದ್ದಾರೆ. 

 ಇಸಿಸ್ ಉಗ್ರ ಸಂಘಟನೆ ಈ ವರೆಗೂ ನಡೆಸಿದ್ದ ದಾಳಿಗಳಲ್ಲಿ ಅಲ್ತಾಫ್ ಕೂಡ ಭಾಗಿಯಾಗಿದ್ದು, ಹಲವು ಅಕ್ರಮ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾರೆ.ಇಸಿಸ್ ಉಗ್ರ ಸಂಘಟನೆ ನೀಡಿದ ಸೂಚನೆಯಂತೆ ಬ್ಯಾಂಕ್ ಗಳಲ್ಲಿ ಹಣವನ್ನು ವರ್ಗಾವಣೆ ಮಾಡುತ್ತಿದ್ದ. ಖಚಿತ ಮಾಹಿತಿ ಆಧಾರದ ಮೇರೆಗೆ ಅಧಿಕಾರಿಗಳು ಇಂದು ಬಂಧನಕ್ಕೊಳಪಡಿಸಿದ್ದಾರೆ.