ಹರಿದ್ವಾರ: ದೇಶದಲ್ಲಿರುವ ಬಹುತೇಕ ಮಂದಿ ರಾಮನನ್ನು ಪೂಜಿಸುತ್ತಿದ್ದು, ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕೆ ಬಹಿರಂಗವಾಗಿ ಯಾರೂ ವಿರೋಧ ವ್ಯಕ್ತಪಡಿಸುತ್ತಿಲ್ಲ ಎಂದು ಆರ್'ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರು ಬುಧವಾರ ಹೇಳಿದ್ದಾರೆ. 

ಹರಿದ್ವಾರದಲ್ಲಿ ನಡೆದ ಪತಾಂಜಲಿ ಯೋಗಪೀಠ ಕಾರ್ಯಕ್ರಮದಲ್ಲಿ ಮಾತನಾಡಿರುವ ಅವರು, ಕೆಲವರನ್ನು ಬದಿಗೊತ್ತಿದರೆ, ಒಂದಕ್ಕೆ ಪಕ್ಷಕ್ಕೆ ಸೇರಿದವರು ರಾಮ ಮಂದಿರ ನಿರ್ಮಾಣಕ್ಕೆ ವಿರೋಧ ವ್ಯಕ್ತಪಡಿಸುವವರು ಬಹಿರಂಗವಾಗಿ ಎಲ್ಲಿಯೂ ವಿರೋಧಿಸುತ್ತಿಲ್ಲ. ಏಕೆಂದರೆ, ಅವರು ಏನೇ ಹೇಳಿದರೂ, ದೇಶದಲ್ಲಿ ಬಹುತೇಕ ಹಿಂದೂ ಸಮುದಾಯದವರು ರಾಮನನ್ನು ಪೂಜಿಸುತ್ತಿದ್ದಾರೆಂಬುದು ಅವರಿಗೆ ಗೊತ್ತಿದೆ. ಹೀಗಾಗಿಯೇ ಅವರು ಬಹಿರಂಗವಾಗಿ ಎಲ್ಲಿಯೂ ರಾಮ ಮಂದಿರದ ವಿರುದ್ಧ ಮಾತನಾಡುತ್ತಿಲ್ಲ ಎಂದು ಹೇಳಿದ್ದಾರೆ. 

ರಾಮ ಮಂದಿರ ನಿರ್ಮಾಣ ವಿವಾದ ಇದೀಗ ಸುಪ್ರೀಂಕೋರ್ಟ್ ಅಂಗಳದಲ್ಲಿದ್ದು, ಮುಂದಿನ ತೀರ್ಪು ಅ.29 ರಂದು ಹೊರಬೀಳಲಿದೆ.