ಎಚ್‌ಸಿಎಲ್ ಇನ್‌ಫೋ ಸಿಸ್ಟಮ್ 'ಮಿ ಚಾಂಪ್‌' ಎಂಬ ಟ್ಯಾಬ್ಲೆಟನ್ನು ಬಿಡುಗಡೆ ಮಾಡುತ್ತಿದೆ. 'ಕಿಡ್ಸ್ ಆರ್ ಚಾಂಪ್‌' ಎಂಬ ವಿದ್ಯಾರ್ಥಿ ವೇತನ ಯೋಜನೆಯನ್ನು ಪ್ರಾಯೋಜಿಸುತ್ತಿದೆ. ಇದರ ವಿಶೇಷವೆಂದರೆ, ಮಕ್ಕಳಿಗಾಗಿ ವಿಶೇಷವಾಗಿ ಸೃಷ್ಟಿಸಿದ ಹೊಸ ಮಾದರಿಯ ಟ್ಯಾಬ್ಲೆಟ್ ಇದಾಗಿದೆ. ಆಕರ್ಷಕ ವಿನ್ಯಾಸ ಮತ್ತು ಉತ್ತಮ ಬಹು ಮಾಧ್ಯಮಗಳನ್ನು ಒಳಗೊಂಡಿದೆ. ಮಕ್ಕಳ ಪುಸ್ತಕಗಳು, 500ಕ್ಕಿಂತಲೂ ಹೆಚ್ಚು ಸಾಧನಗಳಿಗೆ ಉಚಿತ ಲಭ್ಯತೆಯನ್ನೊಳಗೊಂಡಿದೆ.
ವಿಶಿಷ್ಟ ಗ್ರಾಫಿಕ್ ವಿನ್ಯಾಸದೊಂದಿಗೆ ಮಕ್ಕಳ ಜ್ಞಾನ ಗ್ರಹಣ ಸಾಮರ್ಥ್ಯ ವರ್ಧಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ತಂದೆ ತಾಯಿಗಳು ಮಕ್ಕಳ ಚಟುವಟಿಕೆಯನ್ನು ಗಮನಿಸುವ ಅನ್ವೇಷಕ ವ್ಯವಸ್ಥೆಯೂ ಇದರಲ್ಲಿದೆ. ಟ್ಯಾಬ್ಲೆಟ್ 11 ಸ್ಥಳೀಯ ಭಾಷೆಗಳ ಸೌಲಭ್ಯವನ್ನು ಒಳಗೊಂಡಿದೆ. ಈ ಉಪಕರಣವು ವೀಡಿಯೋ ಸಂಭಾಷಣೆಗೆ ಅನುಕೂಲವಾಗುವಂತೆ ಹಿಂಭಾಗದಲ್ಲಿ 2 ಮೆಗಾ ಪಿಕ್ಸೆಲ್ ಕ್ಯಾಮೆರಾವನ್ನು ಒಳಗೊಂಡಿದೆ. 1 ಜಿಬಿ ರ್ಯಾಮ್ 1 ಜಿಬಿ ಆಂತರಿಕ ಮೆಮೋರಿ, 32 ಜಿಬಿಗಳನ್ನು ಮೆಮೊರಿ ಜೋಡಿಸಬಹುದಾದ ಸ್ಲಾಟ್ ಇದೆ.