ಲಂಡನ್: ಕೂತಲ್ಲೇ ಬಾನಂಗಳದ ಹೊರಗೆ ಏನಾಗುತ್ತಿದೆ ಎಂಬ ದೃಶ್ಯವನ್ನು ವಿಮಾನ ಪ್ರಯಾಣಿಕರು ಇನ್ನು ಮುಂದೆ ಕಾಣಬಹುದು.
ಹೌದು. ಇಂತಹ ವಿಮಾನವನ್ನು ಬ್ರಿಟಿಷರು ಅಭಿವೃದ್ಧಿಗೊಳಿಸಿದ್ದಾರೆ. ಕಿಟಕಿ ರಹಿತ ವಿಮಾನವನ್ನು ಬ್ರಿಟಿಷರು ಅಭಿವೃದ್ಧಿಗೊಳಿಸಿದ್ದು, ವಿಮಾನ ಪೂರ್ಣ ಪಾರದರ್ಶಕತೆಯಿಂದ ಕೂಡಿದೆ.
ಅಂತೂ ಪ್ರಯಾಣಿಕರಿಗಾಗಿಯೇ ಇಂತಹ ವಿಮಾನವನ್ನು ಅಭಿವೃದ್ಧಿಗೊಳಿಸಿದಂತಿದೆ. ಈ ನೂತನ ವಿಮಾನವು ಕಿಟಕಿಯ ಬದಲು ಪಾರದರ್ಶಕ ಪರದೆ ಹೊಂದಿದೆ.
ಈ ವಿಮಾನವನ್ನು ಸೆಂಟರ್ ಫಾರ್ ಪ್ರೋಸೆಸ್ ಇನ್ನೋವೇಶನ್‌ನ ಬ್ರಿಟಿಷ್ ವಿಜ್ಞಾನಿಗಳು ಮತ್ತು ಇಂಜಿನಿಯರ್‌ಗಳು ಅಭಿವೃದ್ಧಿಗೊಳಿಸಿದ್ದು, " ದಿ ವಿಂಡೋಲೆಸ್ ಕ್ಯಾಬಿನ್ ವಿತ್ ಎ ವೀವ್‌" ಎಂದು ಹೆಸರಿಟ್ಟಿದ್ದಾರೆ.
ಈ ವಿಮಾನವು ಹೈ ಡೆಫಿನೀಷನ್ ಡಿಸ್‌ಪ್ಲೇ ಟೆಕ್ನಾಲಜಿಯನ್ನು ಹೊಂದಿದ್ದು, ವಿಶ್ವದಲ್ಲೆ ಪ್ರಪ್ರಥಮ ಪಾರದರ್ಶಕ ವಿಮಾನ ಇದಾಗಿದೆ.
ಅಭಿವೃದ್ಧಿಯಾಗಿರುವ ಈ ವಿಮಾನವನ್ನು ಪರೀಕ್ಷಾರ್ಥ ಪ್ರಯೋಗಕ್ಕೆ ಒಳಪಡಿಸಿದ ನಂತರ, ವಿಮಾನ ಹಾರಾಟಕ್ಕೆ ಅವಕಾಶ ನೀಡಲಾಗುವುದು ಎಂದು ಸಂಸ್ಥೆಯ ಅಧಿಕಾರಿಗಳು ತಿಳಿಸಿದ್ದಾರೆ.