ಬೆಂಗಳೂರು: ಪಿಜ್ಜಾ ಆರ್ಡರ್ ಮಾಡುವ ರೀತಿಯಲ್ಲಿಯೇ ಇನ್ನು ಫೋನ್ ಕೂಡಾ ಆರ್ಡರ್ ಮಾಡಿ ಖರೀದಿಸಿಕೊಳ್ಳಬಹುದು. ನೀವು ಆರ್ಡರ್ ಮಾಡಿ 60 ನಿಮಿಷಗಳೊಳಗೆ ನಿಮ್ಮ ಕೈಗೆ ಫೋನ್ ತಲುಪಿರುತ್ತದೆ. ಒಂದು ವೇಳೆ ಫೋನ್ ಸಿಗುವುದು ನಿಮಗೆ ತಡವಾದರೆ, ಫೋನ್ ಉಚಿತವಾಗಿ ಕೊಡಲಾಗುತ್ತದೆ. ಹೀಗೂ ಉಂಟೆ? ಎಂದು ಅಚ್ಚರಿ ಪಡಬಹುದು. ಆದರೆ ಇದು ನಿಜ.
ಚೀನಾದ ಸ್ಮಾರ್ಟ್ ಫೋನ್ ಕಂಪನಿಯಾದ ಒನ್ ಪ್ಲಸ್ ಒನ್ ಈ ರೀತಿಯ ಆಫರ್ ಗಳನ್ನು ನೀಡಿ ಮೊಬೈಲ್ ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತಿದೆ. ಬೆಂಗಳೂರಿನ ಜನತೆಗಾಗಿ ಅಕ್ಟೋಬರ್ 8,9,10 ಈ ಮೂರು ದಿನಗಳಲ್ಲಿ ಆಫರ್ ಲಭ್ಯವಾಗಲಿದೆ. ಬೆಂಗಳೂರಿನ ಬ್ಲೋಬಾನ್ ಎಂಬ ಮಾರ್ಕೆಟಿಂಗ್ ಕಂಪನಿಯ ಜತೆ ಸೇರಿ ಒನ್ ಪ್ಲಸ್ ಒನ್ ಕಂಪನಿ 60 ನಿಮಿಷ ಡೆಲಿವರಿ ಯೋಜನೆ ಹಮ್ಮಿಕೊಂಡಿದೆ.
ಬ್ಲೋಹೋನ್ ಮೊಬೈಲ್ ಆ್ಯಪ್ ಮೂಲಕ ಆರ್ಡರ್ ಮಾಡಿದ ಕೂಡಲೇ 60 ನಿಮಿಷಗಳ ಕೌಂಟ್ ಡೌನ್ ಆರಂಭವಾಗುತ್ತದೆ .ಒಂದು ವೇಳೆ ಫೋನ್ ತಡವಾಗಿ ತಲುಪಿದರೆ, ಗ್ರಾಹಕರಿಗೆ ಫೋನ್ ಉಚಿತವಾಗಿ ಕೊಡಲಾಗುತ್ತದೆ ಎಂದು ಕಂಪನಿ ಹೇಳಿದೆ.