ನವದೆಹಲಿ: ಭಾರತದಲ್ಲಿನ 3 ಕ್ಲೌಡ್ ಸರ್ವೀಸ್ ಕೇಂದ್ರಗಳಿಂದ ಮೈಕ್ರೊಸಾಫ್ಟ್ ಕಂಪನಿ ವಾಣಿಜ್ಯ ಸೇವೆಗಳನ್ನು ಮಂಗಳವಾರದಿಂದ ಆರಂಭಿಸಿದೆ. ದೇಶದಲ್ಲಿನ ಕಂಪನಿಗಳು ತಮ್ಮ ಡಾಟಾವನ್ನು ಇಲ್ಲಿ ಸ್ಟೋರ್ ಮಾಡಲು ಅವಕಾಶ ನೀಡಿದೆ.
ಮುಂಬೈ, ಪುಣೆ ಮತ್ತು ಚೆನ್ನೈನಲ್ಲಿ ಈ ಕೇಂದ್ರಗಳಿವೆ. ಈ ಕೇಂದ್ರಗಳನ್ನು ಸ್ಥಾಪಿಸಲು ಎಷ್ಟು ಬಂಡವಾಳ ತೊಡಗಿಸಲಾಗಿದೆ ಎಂಬ ವಿವರಗಳನ್ನು ಕಂಪನಿ ನೀಡಿಲ್ಲ.
ಎರಡು ದಿನಗಳ ಹಿಂದೆ ಪ್ರಧಾನಿ ನರೇಂದ್ರ ಮೋದಿ ಸಿಲಿಕಾನ್ ವ್ಯಾಲಿಗೆ ಭೇಟಿ ನೀಡಿದ್ದಾಗ ಮೈಕ್ರೊಸಾಫ್ಟ್ ಸಿಇಒ ಸತ್ಯನಾದೆಲ್ಲ ಭಾರತದಲ್ಲಿ ಸೇವೆ ಆರಂಭಿಸುತ್ತಿರುವುದಾಗಿ ಹೇಳಿದ್ದರು.