ನವದೆಹಲಿ: ಶತಕೋಟಿ ಬಳಕೆದಾರರನ್ನು ಹೊಂದಿರುವ ವಾಟ್ಸ್ ಆಪ್ ಬಳಕೆದಾರರ ಬೇಡಿಕೆಯನ್ನು ಈಡೇರಿಸಿದ್ದು, ವಾಟ್ಸ್ ಆಪ್ ನಲ್ಲಿ ವಿಡಿಯೋ ಕರೆ ವ್ಯವಸ್ಥೆಯನ್ನು ಜಾರಿಗೊಳಿಸಿದೆ. 

ಆಂಡ್ರಾಯ್ಡ್, ಐಒಎಸ್, ವಿಂಡೋಸ್ ಫೋನ್ ಗಳಲ್ಲಿ ಈ ಆಯ್ಕೆ ಇರಲಿದೆ ಎಂದು ವಾಟ್ಸ್ ಆಪ್ ಸಂಸ್ಥೆ ತಿಳಿಸಿದೆ. ಭಾರತದಲ್ಲಿ 160 ಮಿಲಿಯನ್ ವಾಟ್ಸ್ ಆಪ್ ನ ಬಳಕೆದಾರರು ಇದ್ದು, ವಾಟ್ಸ್ ಆಪ್ ವಿಡಿಯೋ ಕಾಲಿಂಗ್ ಗೆ ಭಾರತದ ಗ್ರಾಹಕರೂ ಸಹ ಒತ್ತಡ ಹೇರಿದ್ದರು. "ಭಾರತದ ಗ್ರಾಹಕರಿಗೆ ಈ ವ್ಯವಸ್ಥೆಯನ್ನು ಜಾರಿಗೊಳಿಸಲು ಅತ್ಯಂತ ಹೆಮ್ಮೆಯಾಗುತ್ತಿದೆ, ಭಾರತೀಯ ಗ್ರಾಹಕರು ತಮ್ಮ ಪ್ರೀತಿಪಾತ್ರರೊಂದಿಗೆ ಮುಖಾಮುಖಿ ಮಾತನಾಡುವುದನ್ನು ಎದುರುನೋಡುತ್ತಿದ್ದೇವೆ ಎಂದು ವಾಟ್ಸ್ ಆಪ್ ನ ಸಿಇಒ ಜಾನ್ ಕೌಮ್ ತಿಳಿಸಿದ್ದಾರೆ. 

ಪ್ರಾರಂಭದಲ್ಲಿ ಮೆಸೇಜ್ ಹಾಗೂ ಗ್ರೂಪ್ ಚಾಟ್ ನೊಂದಿಗೆ ಪ್ರಾರಂಭವಾದ ವಾಟ್ಸ್ ಆಪ್ ನಂತರದ ದಿನಗಳಲ್ಲಿ ಧ್ವನಿ ಕರೆಯ ವ್ಯವಸ್ಥೆಯನ್ನು ಜಾರಿಗೊಳಿಸಿತ್ತು.