ಈಗ ಇಂತಹದ್ದೇ ಬೆಳವಣಿಗೆಯೊಂದು ಬ್ರಿಟನ್ ನ ಪೋರ್ಟ್ಸ್ಮೌತ್ ವಿಶ್ವವಿದ್ಯಾನಿಲಯದಲ್ಲಿ ನಡೆದಿದ್ದು,  ವಿಜ್ಞಾನಿಗಳು ಆಕಸ್ಮಿಕವಾಗಿ ಪ್ಲಾಸ್ಟಿಕ್-ಈಟಿಂಗ್( ಪ್ಲಾಸ್ಟಿಕ್-ಸೇವಿಸುವ) ಎಂಜೈಮ್ ನ್ನು ಅಭಿವೃದ್ಧಿಗೊಳಿಸಿದ್ದಾರೆ. 

ಬ್ರಿಟನ್ ನ ಪೋರ್ಟ್ಸ್ಮೌತ್ ವಿಶ್ವವಿದ್ಯಾನಿಲಯ ಹಾಗೂ ಅಮೆರಿಕದ ನವೀಕರಿಸಬಹುದಾದ ಶಕ್ತಿಯ ರಾಷ್ಟ್ರೀಯ ಪ್ರಯೋಗಾಲಯ ತ್ಯಾಜ್ಯ ಮರುಬಳಕೆ ಕೇಂದ್ರದಲ್ಲಿ ಪತ್ತೆಯಾದ ನೈಸರ್ಗಿಕ ಎಂಜೈಮ್ ನ ರಚನೆಯನ್ನು ಅಧ್ಯಯನ ಮಾಡುತ್ತಿದ್ದರು. ಇದರ ಬಗ್ಗೆ ಅಧ್ಯಯನ ಮಾಡುತ್ತಿದ್ದ ವಿಜ್ಞಾನಿಗಳು ಆಕಸ್ಮಿಕವೆಂಬಂತೆ ಪ್ಲಾಸ್ಟಿಕ್ ನ್ನು ತಿನ್ನುವ ಎಂಜೈಮ್ ನ್ನು ಅಭಿವೃದ್ಧಿಪಡಿಸಿದ್ದಾರೆ. 

ಪ್ರೋಟೀನ್ ಇಂಜಿನಿಯರಿಂಗ್ ನಲ್ಲಿ ಸಹಾಯ ಪಡೆದುಕೊಳ್ಳುವ ಉದ್ದೇಶದಿಂದ ತ್ಯಾಜ್ಯ ಮರುಬಳಕೆ ಕೇಂದ್ರದಲ್ಲಿ ಪತ್ತೆಯಾದ ನೈಸರ್ಗಿಕ ಎಂಜೈಮ್ ನ ರಚನೆಯ ಬಗ್ಗೆ ಅಧ್ಯಯನ ನಡೆಸುತ್ತಿದ್ದೆವು, ಆದರೆ ಕೊನೆಗೆ ಪ್ಲಾಸ್ಟಿಕ್ ತಿನ್ನುವ ಎಂಜೈಮ್ ನ್ನು ಪತ್ತೆ ಮಾಡಿದ್ದೇವೆ ಎಂದು ಎನ್ಆರ್ ಇಎಲ್ ನ ಮುಖ್ಯ ಸಂಶೋಧಕ ಗ್ರೆಗ್ ಬೆಕ್ಹ್ಯಾಮ್ ಹೇಳಿದ್ದಾರೆ. 

ಪಿಇಟಿ ಯಿಂದ ನಿರ್ಮಿಸಲಾಗಿರುವ ಪ್ಲಾಸ್ಟಿಕ್ ಬಾಟೆಲ್ ಗಳ ಮರುಬಳಕೆಯಲ್ಲಿ ಈ ಸಂಶೋಧನೆ ಸಹಕಾರಿಯಾಗಲಿದೆ ಎಂದು  ಬ್ರಿಟನ್ ನ ಪೋರ್ಟ್ಸ್ಮೌತ್ ವಿಶ್ವವಿದ್ಯಾನಿಲಯ ಹೇಳಿದೆ. ಪಾಲಿಥಿಲೀನ್ ಫ್ಯುರಾಂಡಿಕಾರ್ಬಾಕ್ಸಿಲೇಟ್, ಅಥವಾ ಪಿಇಎಫ್ ಕರಗಿ ವಿಘಟನೆಯಾಗುವುದಕ್ಕೆ ಹೊಸದಾಗಿ ಸಂಶೋಧನೆಯಾಗಿರುವ ಎಂಜೈಮ್ ಅತ್ಯಂತ ಸಹಕಾರಿ ಎಂದು ಪೋರ್ಟ್ಸ್ಮೌತ್ ವಿಶ್ವವಿದ್ಯಾನಿಲಯ ಹೇಳಿದೆ.