ಸ್ಟೂಡೆಂಟ್ : ನಾನು ವಿಶ್ವಸುಂದರಿಯ ಮಗ...
ಟೀಚರ್ : ಸುಳ್ಳು ಹೇಳ ಬೇಡ..
ಸ್ಟೂಡೆಂಟ್ : ಸತ್ಯವಾಗಿ ಹೇಳ್ತೀನಿ.. ನನ್ನ ತಂದೆಯ ಹೆಸರು ವಿಶ್ವ, ತಾಯಿಯ ಹೆಸರು ಸುಂದರಿ.

ಟೀಚರ್ : ಸ್ಕೂಲಿಗೆ ದಿನಾಲೂ ನಡ್ಕೊಂಡು ಬರ್ತಾ ಇದ್ದೀಯಂತೆ?
ಮರಿಗುಂಡ : ಹೌದು ಟೀಚರ್
ಟೀಚರ್ : ಗೌರ್ಮೆಂಟ್ ಕೊಟ್ಟಿರುವ ಫ್ರೀ ಸೈಕಲ್ ಏನೋ ಆಯ್ತು ?
ಮರಿಗುಂಡ : ಎಲ್ಲರಿಗೂ ಉಪಯೋಗವಾಗಲಿ ಎಂದು ಬಾಡಿಗೆಗೆ ಬಿಟ್ಟಿದ್ದೀನಿ ಟೀಚರ್.

ಮೇಷ್ಟ್ರು ಮಕ್ಕಳಿಗೆ ಸತಿಸಾವಿತ್ರಿಯ ಕಥೆ ಹೇಳುತ್ತಿದ್ದರು...
ಮೇಷ್ಟ್ರು : ಮಕ್ಕಳೇ, ಸಾವಿತ್ರಿ ತನ್ನ ಪತಿಗಾಗಿ ಸಾವಿನ ದೇವರು ಯಮನ ಬಳಿ ಹೋರಾಡಿ ಪತಿಯನ್ನು ಉಳಿಸಿಕೊಂಡಳು, ಈ ಕಥೆಯ ನೀತಿ ಪಾಠವೇನು ?
ಮರಿಗುಂಡ : ಹೆಂಡತಿಯಿಂದ ಪತಿಯನ್ನು ಬಚಾವ್ ಮಾಡಲು ಯಮನಿಂದಲೂ ಸಾಧ್ಯವಿಲ್ಲ...!!

ವನಜಮ್ಮ : ಏನು ಅನ್ಯಾಯರೀ ಇದೂ ಸರಸ್ವತಮ್ಮನೋರೇ, ಇವತ್ತು 17 ಸಲ ಕರೆಂಟು ಹೋಗಿತ್ತು ರೀ.
ಸರಸ್ವತಮ್ಮ : ಯಾಕ್ರೀ ಅನ್ಯಾಯ ವನಜಮ್ಮಾ, 16 ಸಲ ಕರೆಂಟು ವಾಪಸ್ಸು ಬಂತಲ್ಲಾ, ಅದು ನ್ಯಾಯ ಅಲ್ವಾ ?

ಬಡಪಾಯಿ ಗಂಡನ ಬೊಂಬಾಟ್ ಹೆಂಡ್ತಿ ರಾಗವಾಗಿ ಕೇಳಿದಳು. ರೀ... ಇವತ್ತಿಗೆ ನಮ್ಮ ಮದುವೆ ಆಗಿ 4 ವರ್ಷ ಆಯ್ತು, ಇವತ್ತಾದ್ರೂ ನಾನು ಈವರೆಗೆ ನೋಡ್ದೇ ಇರೋ ಸ್ಥಳಕ್ಕೆ ಕರೆದುಕೊಂಡು ಹೋಗಿ ಊಟ ಹಾಕಿಸ್ತೀರಾ ?
ಬಡಪಾಯಿ ಗಂಡ ಕೂಲಾಗಿ ಹೇಳ್ದ; ಸರಿ, ನಡಿ ಅಡಿಗೇಮನೆಗೆ... ನಾಲ್ಕು ವರ್ಷದಿಂದ ನೀನಿದನ್ನ ನೋಡೇ ಇಲ್ಲ...