ಗಂಡ: ಸಾಹೇಬ್ರೆ, ನನ್ನ ಹೆಂಡತಿ ಇತ್ತೀಚಿಗೆ ಸಿಕ್ಕಾಪಟ್ಟೆ ಸುಳ್ಳು ಹೇಳುತ್ತಿದ್ದಾಳೆ. ಈ ಸಮಸ್ಯೆಗೆ ದಯವಿಟ್ಟು ಪರಿಹಾರ ದೊರಕಿಸಿಕೊಡಿ.
ಸೈಕಿಯಾಟ್ರಿಸ್ಟ್: ನಿಮಗ್ಯಾಕೆ ಈ ಅನುಮಾನ ಬಂತು?
ಗಂಡ: ನಿದ್ದೆಯಲ್ಲಿ ಐ ಲವ್ ಯೂ ಅಂತ ಬಡಬಡಿಸುತ್ತಿರುತ್ತಾಳೆ!
=
ಮನಃಶ್ಶಾಸ್ತ್ರ ಪಾಠ ಮಾಡುವ ಶಿಕ್ಷಕನೊಬ್ಬ ಮೊದಲ ದಿನ ತನ್ನ ವಿದ್ಯಾರ್ಥಿಗಳು ಎಷ್ಟು ಸತ್ಯವಂತರು, ಎಷ್ಟು ಸುಳ್ಳುಗಾರರು ಎಂದು ತಿಳಿಯಬಯಸುತ್ತಾನೆ.
ವಿದ್ಯಾರ್ಥಿಗಳೆ, ನಿಮಗೆ ಇಂದು ಸುಳ್ಳಿನ ಬಗ್ಗೆ ಪಾಠ ಮಾಡಬೇಕೆಂದು ಬಯಸುತ್ತೇನೆ. ಪುಸ್ತಕದ 35ನೇ ಪುಟದಲ್ಲಿರುವ ಸುಳ್ಳಿನ ಕುರಿತ ಅಧ್ಯಯನವನ್ನು ಎಷ್ಟು ಜನ ಓದಿದ್ದೀರಿ ಕೈ ಎತ್ತಿರಿ ಎಂದು ವಿದ್ಯಾರ್ಥಿಗಳನ್ನು ಕೇಳುತ್ತಾನೆ.
ಕೂಡಲೇ ಎಲ್ಲಾ ವಿದ್ಯಾರ್ಥಿಗಳೂ ಕೈ ಎತ್ತುತ್ತಾರೆ.
'ವಾವ್, ಈ ಪಾಠ ಕೇಳಲು ನೀವು ತಕ್ಕ ವಿದ್ಯಾರ್ಥಿಗಳು. ಪಾಠ ಓದಿದ್ದೀರೆಂದು ಎಲ್ಲರೂ ಕೈ ಎತ್ತಿದ್ದೀರಿ ಸರಿ. ಆದರೆ ಆ ಪುಸ್ತಕದಲ್ಲಿ ಸುಳ್ಳಿನ ಕುರಿತು ಯಾವುದೇ ಅಧ್ಯಾಯವೇ ಇಲ್ಲ!'
=
ಒಂದು ದಿನ ಅದೇನಾಯಿತೋ ಏನೋ. ಬಂತಾಸಿಂಗ್ ಮರವೇರಿದ್ದ. ಅದೇ ಮರದಲ್ಲಿ ಕುಳಿತಿದ್ದ ಕೋತಿಯೊಂದಕ್ಕೆ ಅಚ್ಚರಿಯೋ ಅಚ್ಚರಿ. ಸರಿ, ಬಂತಾನ ಜೊತೆ ಮಾತನಾಡೋಣ ಎಂದು ಕೋತಿ ನಿರ್ಧರಿಸಿತು.
ಕೋತಿ: ಹಾಯ್ ಬಂತಾ, ಯಾಕೋ ಮರವೇರಿದೆ?
ಬಂತಾ: ಸೇಬು ಹಣ್ಣು ತಿನ್ನೋಣ ಅಂತ ಬಂದೆ.
ಕೋತಿ: ಲೇ ಕೋತಿ ನನ್ ಮಗನೆ, ಇದು ಮಾವಿನ ಮರ.
ಬಂತಾ: ಲೇ, ಕೋತಿ ನನ್ನ ಮಗನೆ. ಸೇಬು ಹಣ್ಣನ್ನು ಜೊತೆಗೇ ತಂದಿದ್ದೇನೆ!