ಪರಮಾತ್ಮ ಜಗತ್ತು ಕಂಡ ಪ್ರಜಾಪ್ರಭುತ್ವವಾದಿಗಳಲ್ಲೆಲ್ಲ ಮಹಾ ಪ್ರಜಾಪ್ರಭುತ್ವ ವಾದಿ. ಏಕೆಂದರೆ ಒಳಿತು ಕೆಡಕುಗಳಲ್ಲಿ ಯಾವುದನ್ನು ಬೇಕಾದರೂ ಆರಿಸಿಕೊಳ್ಳಲು ಅವನು ನಮಗೆ ಸ್ವಾತಂತ್ರ್ಯ ಕೊಟ್ಟಿದ್ದಾನೆ. ಅವನು ನಿರಂಕುಶ ಪ್ರಭುಗಳಲ್ಲೆಲ್ಲ ಮಹಾ ನಿರಂಕುಶ ಪ್ರಭು. ಏಕೆಂದರೆ ಎಷ್ಟೋ ಸಲ ಅವನು ಕೈಗೆ ಬಂದದ್ದನ್ನು ಬಾಯಿಗೆ ಬಾರದಂತೆ ಮಾಡುತ್ತಾನೆ. ಮತ್ತು ಜೀವಸ್ವಾತಂತ್ರ್ಯದ ಸೋಗಿನಲ್ಲಿ ಅವನು ನಮಗೆ ಕೊಟ್ಟ ಅವಕಾಶದ ಇಕ್ಕಟ್ಟಿನಲ್ಲಿ ನಾವು ಒದ್ದಾಡುವುದನ್ನು ಮೋಜಿನಿಂದ ನೋಡುತ್ತಾನೆ. ಆದ್ದರಿಂದಲೇ ಹಿಂದೂ ಧರ್ಮ ಇದನ್ನೆಲ್ಲ ಅವನ ಲೀಲೆ ಎಂದೂ, ಮಾಯೆಯೆಂದೂ ಕರೆಯುತ್ತದೆ. ನಾವು ಇಲ್ಲ; ಅವನು ಮಾತ್ರವೇ ಇದ್ದಾನೆ. ನಾವು ಇರಬೇಕೆಂದರೇ ಅದಕ್ಕೆ ಅನಂತವಾಗಿ ಅವನ ಮಹಿಮೆಗಳನ್ನು ಕೊಂಡಾಡುತ್ತ ಅವನ ಇಚ್ಚೆಗೆ ತಲೆಬಾಗುವುದು ಒಂದೇ ದಾರಿ. ನಾವು ಅವನ ಕೊಳಲಿನ ಗಾನಕ್ಕೆ ಸರಿಯಾಗಿ ಕುಣಿಯೋಣ. ಆಗ ಎಲ್ಲವೂ ಸರಿ ಹೋಗುತ್ತದೆ.