ಪ್ರಧಾನಿ ಮೋದಿ ಸಹಿತ ನಗೆಗಡಲಲ್ಲಿ ತೇಲಿದ ಸುದ್ದಿಗೋಷ್ಠಿ, ಟ್ರಂಪ್‌ ಕೈಗೆ ಪ್ರೀತಿಯಿಂದ ಹೊಡೆದ ಮೋದಿ

ಪ್ಯಾರಿಸ್: ಭಾರತದ ಪ್ರಧಾನಿ ನರೇಂದ್ರ ಮೋದಿಗೂ ಒಳ್ಳೆಯ ಇಂಗ್ಲಿಷ್ ಬರುತ್ತದೆ. ಆದರೆ ಅವರು ಮಾತನಾಡುವುದಿಲ್ಲ ಅಷ್ಟೇ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಾಸ್ಯ ಚಟಾಕಿ ಹಾರಿಸಿದ್ದಾರೆ.

ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನಲ್ಲಿ ನಡೆಯುತ್ತಿರುವ ಜಿ-7 ಶೃಂಗಸಭೆಯಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೇರಿಕಾದ ಅಧ್ಯಕ್ಷ ಟ್ರಂಪ್​ ದ್ವಿಪಕ್ಷೀಯ ಮಾತುಕತೆ ನಡೆಸಿದರು. ಈ ಸಭೆಯಲ್ಲಿ ಎರಡು ದೇಶಗಳ ನಡುವಿನ ವ್ಯಾಪಾರ, ವಹಿವಾಟು ಬಗ್ಗೆ ಚರ್ಚಿಸಲಾಯಿತು.  ಬಳಿಕ ಜಂಟಿ ಸುದ್ದಿಗೋಷ್ಠಿಯಲ್ಲಿ ಉಭಯ ನಾಯಕರು ಮಾತನಾಡಿದರು. ಈ ವೇಳೆ ಒಂದು ಸ್ವಾರಸ್ಯಕರ ಸಂಗತಿಯೂ ನಡೆಯಿತು. 

ಪ್ರಧಾನಿ ಮೋದಿ ಇಂಗ್ಲಿಷ್ ಗೊತ್ತು, ಮಾತನಾಡಲ್ಲ
ಸುದ್ದಿಗೋಷ್ಠಿ ವೇಳೆ ಪ್ರಧಾನಿ ಮೋದಿ ತುಂಬಾ ಗಂಭೀರವಾಗಿ ಹಿಂದಿಯಲ್ಲಿ ಮಾತನಾಡುತ್ತಿದ್ದರು. ಮೊದಲು ನಾವಿಬ್ಬರು ಮಾತನಾಡುತ್ತೇವೆ. ಆಮೇಲೆ ನಿಮಗೆ ಅದರ ಬಗ್ಗೆ ಹೇಳ್ತೀವಿ ಎಂದು ಮೋದಿ ಹಿಂದಿಯಲ್ಲೇ ಹೇಳಿದರು. ಈ ಮಾತಿನ ನಡುವೆಯೇ ಟ್ರಂಪ್‌ 'ಮೋದಿಗೆ ಇಂಗ್ಲೀಷ್‌ ತುಂಬಾ ಚೆನ್ನಾಗಿ ಬರುತ್ತೆ, ಆದ್ರೆ ಮಾತಾಡಲ್ಲ ಅಷ್ಟೇ ಎಂದು ಹೇಳುತ್ತಾರೆ. ಟ್ರಂಪ್ ರ ಈ ಹೇಳಿಕೆ ಸ್ವತಃ ಮೋದಿ ಸೇರಿದಂತೆ ಇಡೀ ಸುದಿಗೋಶ್ಟಿಯಲ್ಲಿದ್ದವರನ್ನು ನಗೆಗಡಲಲ್ಲಿ ತೇಲಿಸಿತು.

ಅಂತೆಯೇ ಟ್ರಂಪ್ ಹೇಳಿಕೆ ನಕ್ಕ ಮೋದಿ ಕೂಡ ಕೈಹಿಡಿದು ಹೊಡೆದು ಜೋರಾಗಿ ನಗುತ್ತಾರೆ. ಆ ಮೂಲಕ ತಮ್ಮ ಮತ್ತು ಟ್ರಂಪ್ ರ ನಡುವಿನ ಸ್ನೇಹವನ್ನು ಜಗತ್ತಿಗೆ ಸಾರುತ್ತಾರೆ.