ಒಟ್ಟಾವಾ: ಕೆನಡಾ ಸರ್ಕಾರ ಸೆಪ್ಟೆಂಬರ್ 21, 2021 ರಿಂದ ಅಂತರರಾಷ್ಟ್ರೀಯ ಪ್ರಯಾಣಕ್ಕಾಗಿ ತನ್ನ ಗಡಿಗಳನ್ನು ತೆರೆಯುವುದಾಗಿ ಘೋಷಿಸಿತು. ಅದೇ ವೇಳೆ ಕೋವಿಡ್-19 ಡೆಲ್ಟಾ ರೂಪಾಂತರದಿಂದಾಗಿ ಭಾರತದಿಂದ ಒಳಬರುವ ಪ್ರಯಾಣಿಕರ ವಿಮಾನಗಳ ನಿಷೇಧವನ್ನು ಇನ್ನೂ ಒಂದು ತಿಂಗಳು ವಿಸ್ತರಿಸುವುದಾಗಿ ಕೆನಡಾ ಸರ್ಕಾರ ಜುಲೈ 19, 2021 ರ ಸೋಮವಾರದ ಹೇಳಿಕೆಯಲ್ಲಿ ತಿಳಿಸಿದೆ.
ಭಾರತವು ಕೊರೋನಾ ಕರಣಗಳ ಉಲ್ಬಣಕ್ಕೆ ಸಾಕ್ಷಿಯಾಗಿದ್ದಾಗ ಏಪ್ರಿಲ್ 22 ರಂದು ವಿಧಿಸಲಾಗಿದ್ದ ಈ ನಿಷೇಧವನ್ನು ಜುಲೈ 21 ರಂದು ಹಿಂದೆಗೆದುಕೊಳ್ಲಲು ನಿರ್ಧರಿಸಲಾಗಿತ್ತು, ಆದರೆ ಈಗ ಆಗಸ್ಟ್ 21 ರವರೆಗೆ ವಿಸ್ತರಿಸಲಾಗಿದೆ ಎಂದು Global News Ca ವರದಿ ಮಾಡಿದೆ.
ಈ ಕಾರ್ಯತಂತ್ರವು ಕೆನಡಾದಲ್ಲಿ ಕಾಳಜಿ ರೂಪಾಂತರಗಳು ಮತ್ತು ಲಸಿಕೆ ಪರಿಣಾಮಕಾರಿತ್ವವನ್ನು ಮುಂದುವರಿಸಲು ಸರ್ಕಾರವನ್ನು ಸಮ್ಮತಿಸುತ್ತದೆ. ಈ ರಕ್ಷಣೆಯ ತಂತ್ರಗಳನ್ನು ಬಳಸಿಕೊಂಡು, ಕೆನಡಾ ಸರ್ಕಾರವು ದೇಶದ ಕೊರೊನಾ ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಬಹುದು, ಪ್ರತಿಕೂಲ ಪರಿಸ್ಥಿತಿಗೆ ತ್ವರಿತವಾಗಿ ಪ್ರತಿಕ್ರಿಯಿಸಬಹುದು ಮತ್ತು ಅಂತರರಾಷ್ಟ್ರೀಯ ಪ್ರಯಾಣವನ್ನು ನಿರ್ಬಂಧಿಸುವ ನಿರ್ಧಾರಗಳಿಗೆ ಮಾರ್ಗದರ್ಶನ ನೀಡಬಹುದು ಎಂದು ಹೇಳಿಕೆ ತಿಳಿಸಿದೆ.
ಕೆನಡಾಕ್ಕೆ ಪ್ರವೇಶಿಸಲು ಕನಿಷ್ಠ 14 ದಿನಗಳ ಮೊದಲು ಕೆನಡಾ-ಅಂಗೀಕರಿಸಿದ ಲಸಿಕೆಯೊಂದಿಗೆ ಸಂಪೂರ್ಣ ವ್ಯಾಕ್ಸಿನೇಷನ್ ಪೂರ್ಣಗೊಳಿಸಿದ ಮತ್ತು ನಿರ್ದಿಷ್ಟ ಪ್ರವೇಶ ಅವಶ್ಯಕತೆಗಳನ್ನು ಪೂರೈಸುವ ಪ್ರಯಾಣಿಕರಿಗೆ ಕೆನಡಾದ ಗಡಿಗಳನ್ನು ತೆರೆಯಲು ಸರ್ಕಾರ ಉದ್ದೇಶಿಸಿದೆ ಎಂದು ಕೆನಡಾದ ಸರ್ಕಾರ ಹೇಳಿಕೆಯಲ್ಲಿ ತಿಳಿಸಿದೆ . "ಸೀಮಿತ ವಿನಾಯಿತಿಗಳಿಗೆ ಒಳಪಟ್ಟು, ಎಲ್ಲಾ ಪ್ರಯಾಣಿಕರು ತಮ್ಮ ಪ್ರಯಾಣದ ಮಾಹಿತಿಯನ್ನು ಸಲ್ಲಿಸಲು ArriveCAN(ಅಪ್ಲಿಕೇಶನ್ ಅಥವಾ ವೆಬ್ ಪೋರ್ಟಲ್) ಅನ್ನು ಬಳಸಬೇಕು. ಅವರು ಕೆನಡಾಕ್ಕೆ ಪ್ರವೇಶಿಸಲು ಮತ್ತು ನಿರ್ದಿಷ್ಟ ಮಾನದಂಡಗಳನ್ನು ಪೂರೈಸಲು ಅರ್ಹರಾಗಿದ್ದರೆ, ಸಂಪೂರ್ಣವಾಗಿ ಲಸಿಕೆ ಹಾಕಿದ ಪ್ರಯಾಣಿಕರು ಕೆನಡಾಕ್ಕೆ ಬಂದ ಮೇಲೆ ನಿರ್ಬಂಧವನ್ನು ಹೊಂದಿರಬೇಕಾಗಿಲ್ಲ".