ಮಾಸ್ಕೋ: ಅಮೆರಿಕದ ಒಹಿವೊ ರಾಜ್ಯದ ವೆಸ್ಟ್‍ ಜಾಫರ್ ಸನ್‍ ಪಟ್ಟಣದಲ್ಲಿ ಗುಂಡು ಹಾರಿಸಿ ಕನಿಷ್ಠ ಮೂವರನ್ನು ಹತ್ಯೆ ಮಾಡಲಾಗಿದೆ ಎಂದು ಮಂಗಳವಾರ ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.
ಅಪಾರ್ಟ್‍ಮೆಂಟ್‍ ವೊಂದರ ಸಮೀಪದಿಂದ ಗುಂಡಿನ ಸದ್ದು ಕೇಳಿಬಂದಿದೆ ಎಂದು ಸ್ಥಳೀಯ ನಿವಾಸಿಗಳು ಸಂಜೆ 5.27ಕ್ಕೆ ಮಾಹಿತಿ ನೀಡಿದ್ದಾರೆ ಎಂದು ವೆಸ್ಟ್‍ ಜಫರ್‍ ಸನ್‍ ಪೊಲೀಸ್ ಮುಖ್ಯಸ್ಥ ಕ್ರಿಸ್ಟೋಫರ್ ಫ್ಲಾಯ್ಡ್‍ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಘಟನಾ ಸ್ಥಳದಲ್ಲಿ ಗುಂಡಿನ ದಾಳಿಯಿಂದ ಅನೇಕರು ಗಾಯಗೊಂಡಿರುವುದು ಕಂಡುಬಂದಿದೆ. ಇವರಲ್ಲಿ ಮನೆಯಲ್ಲಿದ್ದ ಮೂವರು ಸೇರಿದ್ದಾರೆ ಎಂದು ಕೊಲಂಬಸ್ ಡಿಸ್‍ಪ್ಯಾಚ್‍ ದಿನಪತ್ರಿಕೆ ವರದಿ ಮಾಡಿದೆ.
ಘಟನೆ ಕುರಿತು ತನಿಖೆಗೆ ಒಹಿವೊ ಅಪರಾಧ ಬ್ಯೂರೋ ಮತ್ತು ಕೌಂಟಿ ಷರೀಫ್‍ ಕಚೇರಿ ಪೊಲೀಸರಿಗೆ ನೆರವಾಗುತ್ತಿವೆ. ಕಾರಿನಿಂದ ಗುಂಡು ಹಾರಿಸಿರಬಹುದು ಎನ್ನಲಾಗಿದೆ.