ವಾಷಿಂಗ್ ಟನ್: ಅಮೆರಿಕದ ಬಲಪಂಥೀಯ ಕಾರ್ಯಕರ್ತರಾದ ಜೇಕ್ ಲ್ಯಾಂಗ್ ಶನಿವಾರ (ಸ್ಥಳೀಯ ಸಮಯ) ಸಿಯಾಟಲ್‌ನಲ್ಲಿ ದೀಪಾವಳಿ ಆಚರಣೆಯನ್ನು ತಡೆಯಲು ಪ್ರಯತ್ನಿಸಿದ್ದಾರೆ.
ಲ್ಯಾಂಗ್ ಮತ್ತು ಇತರ ಪ್ರತಿಭಟನಾಕಾರರು "ಎಲ್ಲಾ ಡಾಟ್ ಹೆಡ್‌ಗಳನ್ನು ಗಡೀಪಾರು" ಎಂದು ಬರೆದಿರುವ ಫಲಕಗಳನ್ನು ಹೊತ್ತಿದ್ದರು.
ತಮ್ಮನ್ನು ಅಡ್ಡಿಪಡಿಸಲು ಪ್ರಯತ್ನಿಸಿದ ಚಿತ್ರಗಳನ್ನು ಪೋಸ್ಟ್ ಮಾಡುವ ಮೂಲಕ ಲ್ಯಾಂಗ್, ಡೆಮೋಕ್ರಾಟ್‌ಗಳಿಗೆ ಟೆಕ್ಸಾಸ್ ನಲ್ಲಿ ಗೆಲುವು ಸಿಗಲು ಹಿಂದೂಗಳೇ ಕಾರಣ ಎಂದು ಹೇಳಿಕೊಂಡು X ನಲ್ಲಿ ನಿಂದನೀಯ ಪೋಸ್ಟ್ ಮಾಡಿದ್ದಾರೆ.
X ನಲ್ಲಿ ತಮ್ಮ ಪೋಸ್ಟ್‌ನಲ್ಲಿ, ಲ್ಯಾಂಗ್, "ಸಿಯಾಟಲ್ ದೀಪಾವಳಿ ಉತ್ಸವದಲ್ಲಿ ನಾವು ಡಜನ್ಗಟ್ಟಲೆ ಆಂಟಿಫಾ ಮತ್ತು ಹಿಂದೂಗಳಿಂದ ಹಲ್ಲೆಗೊಳಗಾಗಿದ್ದೇವೆ!!!! ನಮ್ಮ "ಎಲ್ಲಾ ಡಾಟ್ ಹೆಡ್‌ಗಳನ್ನು ಗಡೀಪಾರು ಮಾಡಿ" ಹಿಂದೂಗಳು ಟೆಕ್ಸಾಸ್ ನೀಲಿ ಬಣ್ಣವನ್ನು ತಿರುಗಿಸಿದರು (ಡೆಮೋಕ್ರಾಟ್ ಗಳಿಗೆ ಗೆಲುವು ಸಿಗಲು ಕಾರಣರಾದರು) ಎಂದು ಹೇಳಿದ್ದು ನಿಂದನೀಯ, ಅಶ್ಲೀಲ ಭಾಷೆ ಪ್ರಯೋಗಿಸಿದ್ದಾರೆ.
ವೈಟ್ ರಿಪ್ಲೇಸ್‌ಮೆಂಟ್ ಎಂಬ ತನ್ನ ಸಂಘಟನೆಯನ್ನು ನಡೆಸುತ್ತಿರುವ ಲ್ಯಾಂಗ್ ಜನವರಿ 6, 2021 ರಂದು ನಡೆದ US ಕ್ಯಾಪಿಟಲ್ ದಾಳಿಯಲ್ಲಿ ಭಾಗವಹಿಸಿದ್ದರು, ಇದಕ್ಕಾಗಿ ಅವರು ನಾಲ್ಕು ವರ್ಷಗಳ ಜೈಲು ಶಿಕ್ಷೆಯನ್ನು ಅನುಭವಿಸಿದ್ದಾರೆ.
2025 ರಲ್ಲಿ ತಮ್ಮ ಎರಡನೇ ಅಧ್ಯಕ್ಷ ಸ್ಥಾನದ ಮೊದಲ ದಿನದಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಲ್ಯಾಂಗ್ ಅವರಿಗೆ ಕ್ಷಮಾದಾನ ನೀಡಿದ್ದರು.
ಅಮೆರಿಕ ಅಧ್ಯಕ್ಷರು ಓವಲ್ ಕಚೇರಿಯಲ್ಲಿ ಭಾರತೀಯ ತಂತ್ರಜ್ಞಾನ ಉದ್ಯಮಿ ವಿಶಾಲ್ ಗೊಂಡಾಲ್, ಬಾಣಸಿಗ ವಿಕಾಸ್ ಮೆಹ್ತಾ ಮತ್ತು ಇತರರೊಂದಿಗೆ ಶ್ವೇತಭವನದಲ್ಲಿ ದೀಪಾವಳಿ ಆಚರಣೆಯನ್ನು ಆಚರಿಸಿದ ಸ್ವಲ್ಪ ಸಮಯದ ನಂತರ ಲ್ಯಾಂಗ್ ಅವರು ಅಡ್ಡಿಪಡಿಸಲು ಪ್ರಯತ್ನಿಸಿದರು.
ಹಬ್ಬದ ಸಂದರ್ಭದಲ್ಲಿ ಟ್ರಂಪ್ ವಿಧ್ಯುಕ್ತ ದೀಪಾಲಂಕಾರದಲ್ಲಿ ಭಾಗವಹಿಸಿದರು ಮತ್ತು ಹನುಮಾನ್ ಚಾಲೀಸಾದ ಪ್ರತಿಯನ್ನು ಅವರಿಗೆ ಉಡುಗೊರೆಯಾಗಿ ನೀಡಲಾಗಿತ್ತು.
ವಾಷಿಂಗ್ಟನ್ ರಾಜ್ಯದಲ್ಲಿ, ಗವರ್ನರ್ ಬಾಬ್ ಫರ್ಗುಸನ್ ಅವರು ಭಾರತದ ಕಾನ್ಸುಲ್ ಜನರಲ್ ಜೊತೆಗೆ ಶಾಸಕಾಂಗ ಕಟ್ಟಡದಲ್ಲಿ ದೀಪಾವಳಿಯನ್ನು ಆಚರಿಸಿದರು.
X ನಲ್ಲಿ ಪೋಸ್ಟ್ ಮಾಡಿದ ಗವರ್ನರ್ ಫರ್ಗುಸನ್, "ಈ ವಾರ ನಾವು ಭಾರತದ ಕಾನ್ಸುಲೇಟ್ ಜನರಲ್ ಮತ್ತು ಸೆನ್. ಧಿಂಗ್ರಾ ಅವರೊಂದಿಗೆ ಶಾಸಕಾಂಗ ಕಟ್ಟಡದ ಒಳಗೆ ದೀಪಾವಳಿಯ ಅದ್ಭುತ ಆಚರಣೆಯನ್ನು ಹೊಂದಿದ್ದೇವೆ ಮತ್ತು ನಾನು ಈ ಭಾನುವಾರವನ್ನು ದೀಪಾವಳಿ, ವಾಷಿಂಗ್ಟನ್ ರಾಜ್ಯದಲ್ಲಿ ಬೆಳಕಿನ ಹಬ್ಬ ಎಂದು ಘೋಷಿಸಿದೆ. ವಾಷಿಂಗ್ಟನ್ ರಾಜ್ಯವು ದೇಶದಲ್ಲಿ ಭಾರತೀಯ ಅಮೆರಿಕನ್ನರ ಅತಿದೊಡ್ಡ ಸಮುದಾಯಗಳಲ್ಲಿ ಒಂದಾಗಿರುವುದಕ್ಕೆ ಹೆಮ್ಮೆಪಡುತ್ತದೆ. ಹಿಂದಿನ ದಶಕದಲ್ಲಿ, ನಾವು ಇಡೀ ದೇಶದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಭಾರತೀಯ ಅಮೆರಿಕನ್ ಜನಸಂಖ್ಯೆಯನ್ನು ಹೊಂದಿದ್ದೇವೆ. ಮತ್ತು ಈ ಸಮುದಾಯವು ನಮ್ಮ ರಾಜ್ಯಕ್ಕೆ ತುಂಬಾ ಕೊಡುಗೆ ನೀಡುವುದನ್ನು ನಾವು ನೋಡಿದ್ದೇವೆ." ಎಂದು ಹೇಳಿದ್ದರು.
ಒಲಿಂಪಿಯಾದಲ್ಲಿರುವ ವಾಷಿಂಗ್ಟನ್ ಸ್ಟೇಟ್ ಕ್ಯಾಪಿಟಲ್‌ನಲ್ಲಿಯೂ ದೀಪಾವಳಿ ಆಚರಣೆಯನ್ನು ನಡೆಸಲಾಯಿತು. ವಾಷಿಂಗ್ಟನ್ ರಾಜ್ಯಕ್ಕೆ ಭಾರತೀಯ-ಅಮೆರಿಕನ್ ಸಮುದಾಯದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಕೊಡುಗೆಗಳನ್ನು ನಾಯಕರು ಗುರುತಿಸಿದಾಗ ರಾಜ್ಯ ಸೆನೆಟರ್ ಮಂಕ ಧಿಂಗ್ರಾ ಆಚರಣೆಯಲ್ಲಿ ಸೇರಿಕೊಂಡರು.
ಚಿಕಾಗೋ ಬಳಿಯ ಹಿಂದೂ ದೇವಾಲಯವನ್ನು ಗುರಿಯಾಗಿಸಲು ಮತ್ತೊಬ್ಬ ಬಲಪಂಥೀಯ ಕಾರ್ಯಕರ್ತ ಸಂಚು ರೂಪಿಸಿದ ಕೆಲವೇ ದಿನಗಳಲ್ಲಿ ಈ ಅಡ್ಡಿಪಡಿಸುವ ಪ್ರಯತ್ನ ನಡೆದಿದೆ.
ಹಿಂದೂ ದೇವಾಲಯದಲ್ಲಿ ಸಾಮೂಹಿಕ ಗುಂಡಿನ ದಾಳಿ ನಡೆಸುವ ಬೆದರಿಕೆಗಳ ತನಿಖೆಯ ನಂತರ ಅಲೆಕ್ಸಾಂಡ್ರೋಸ್ ಪಪೊರಕಿಸ್ ಎಂದು ಗುರುತಿಸಲಾದ 19 ವರ್ಷದ ಶಂಕಿತನನ್ನು ಬಂಧಿಸಲಾಗಿತ್ತು. ನಾಜಿ ಸಿದ್ಧಾಂತವನ್ನು ಪ್ರತಿಪಾದಿಸಿದ ಪಪೊರಕಿಸ್ ಹಿಂದೂ ದೇವಾಲಯದಲ್ಲಿ ಸಾಮೂಹಿಕ ಗುಂಡಿನ ದಾಳಿ ನಡೆಸುವ ಯೋಜನೆಯನ್ನು ರೂಪಿಸಿದ್ದ
ಏತನ್ಮಧ್ಯೆ, ಟೆಕ್ಸಾಸ್ ಮತ್ತು ಕಾನ್ಸಾಸ್‌ನಂತಹ ರಾಜ್ಯಗಳಲ್ಲಿ ಕೆಂಪು ಗೋಡೆಯನ್ನು ಕೆಡವಲಾದ ಯುಎಸ್ ಮಧ್ಯಂತರ ಫಲಿತಾಂಶಗಳು ವಂಚನೆಯಿಂದ ಕೂಡಿವೆ ಎಂದು ಲ್ಯಾಂಗ್ ಹೇಳಿಕೊಂಡಿದ್ದಾರೆ. ಜನವರಿ 6 ರ ದಾಳಿಯ ವಾರ್ಷಿಕೋತ್ಸವದ ಸಮೀಪ ಪ್ರತಿಭಟನೆಗೆ ಕರೆ ನೀಡಿದ ಲ್ಯಾಂಗ್, "ಜನವರಿ 3, 2027 ರಂದು, ಕ್ರಿಶ್ಚಿಯನ್ ಕ್ರುಸೇಡರ್‌ಗಳು ರಿಗ್ಡ್ ಮಧ್ಯಂತರ ಚುನಾವಣೆ ಫಲಿತಾಂಶ ಪ್ರತಿಭಟಿಸಲು ವಾಷಿಂಗ್ಟನ್ ಡಿಸಿಯ ಯುಎಸ್ ಕ್ಯಾಪಿಟಲ್‌ಗೆ ಬರುವುದಾಗಿ ಹೇಳಿದ್ದಾರೆ