ನೃತ್ಯ ನನಗೆ ಬಲಗೈ ಇದ್ದಂತೆ: ಹೇಮ ಮಾಲಿನಿ

ಬಾಲಿವುಡ್ ನ ಕನಸಿನ ಕನ್ಯೆ, ಸಂಸದೆ ಹೇಮ ಮಾಲಿನಿ ಒಂದೆಡೆ ತಮ್ಮ ತಾಯಿ ಜಯ ಚಕ್ರವರ್ತಿ ಅವರ ನೆನಪಿನಲ್ಲಿ ವಾರ್ಷಿಕ ಭರತನಾಟ್ಯ ಕಾರ್ಯಕ್ರಮ ಜಯಸ್ಮೃತಿಯಲ್ಲಿ ಬ್ಯುಸಿಯಾಗಿದ್ದರೆ ಇನ್ನೊಂದು ಕಡೆ ಮೊಮ್ಮಗನ ಆಟ-ತುಂಟಾಟದಲ್ಲಿ ನಿಜ ಜೀವನದಲ್ಲಿ ಖುಷಿಯಾಗಿದ್ದಾರೆ. ಹೌದು ಅವರ ಎರಡನೇ ಮಗಳು ಅಹನಾಗೆ ಗಂಡು ಮಗುವಾಗಿ ಆ ಮಗು ಈಗ ಅತ್ತಿತ್ತ ಓಡಾಡುತ್ತಾ, ತೊದಲು ನುಡಿಯುತ್ತಿದೆ.

''ಮೊಮ್ಮಗನ ಹೆಸರು ದರಿಯನ್. ಅವನ ಆಗಮನದಿಂದ ನಾನು ತುಂಬಾ ಖುಷಿಯಾಗಿದ್ದೇನೆ ಎಂದು ಹೇಮ ಮಾಲಿನಿ ಹೇಳುತ್ತಾರೆ. ಆತನನ್ನು ನೋಡುತ್ತಿದ್ದರು ನನ್ನ ಇಬ್ಬರು ಮಕ್ಕಳ ಬಾಲ್ಯ ನೆನಪಾಗುತ್ತದೆ'' ಎನ್ನುತ್ತಾರೆ ಹೇಮಾ.

ನಾನು ನನ್ನ ಮಕ್ಕಳ ಗರ್ಭಿಣಿಯಾಗಿದ್ದಾಗ ಎಂಟು ತಿಂಗಳವರೆಗೆ ಕೆಲಸ ಮಾಡುತ್ತಿದ್ದೆ. ಸುಮ್ಮನೆ ಕೂತಿರಲಿಲ್ಲ. ನೃತ್ಯ ನನಗೆ ಎಲ್ಲಾ ರೀತಿಯಲ್ಲಿಯೂ ಸಹಾಯ ಮಾಡಿದೆ. ಅದು ನನ್ನ ಬಲಗೈ ಇದ್ದಂತೆ. ನನ್ನ ತಾಯಿಯಿಂದ ಬಂದ ಬಳುವಳಿ ಇದು. ನಾನು ಚಿಕ್ಕವಳಿರುವಾಗಲೇ ನನ್ನನ್ನು ನೃತ್ಯಾಭ್ಯಾಸಕ್ಕೆ ನನ್ನ ತಾಯಿ ಸೇರಿಸಿದರು. ಆಗ ನಾನು ದೆಹಲಿಯಲ್ಲಿದ್ದೆ. ಎರಡು ಗಂಟೆಗಳ ಕಾಲ ಸತತ ನೃತ್ಯ ಮಾಡುತ್ತಿದ್ದ. ನನ್ನ ನೃತ್ಯವನ್ನು ನೋಡಿ ಸಿನಿಮಾ ನಿರ್ಮಾಪಕರು ನನ್ನನ್ನು ಚಿತ್ರದಲ್ಲಿ ಡ್ಯಾನ್ಸ್ ಮಾಡಿಸುತ್ತಿದ್ದರು. ನನ್ನ ನೃತ್ಯದಿಂದಲೇ ನಾನು ಇಷ್ಟು ಹೆಸರು ಮತ್ತು ಚಿತ್ರಗಳಲ್ಲಿ ಅಭಿನಯಿಸುವಂತಾಗಿದ್ದು. ತಾಯಿಯ ಹೆಸರಿನಲ್ಲಿ ಜಯಸ್ಮೃತಿ ಕಾರ್ಯಕ್ರಮವನ್ನು ವರ್ಷಗಟ್ಟಲೆ ಮಾಡಿದೆವು. ನಡುವೆ ಎರಡು ವರ್ಷ ನಿಂತುಹೋಯಿತು. ನಾನಿಂದು ಈ ಸ್ಥಾನದಲ್ಲಿರಲು, ಜೀವನದಲ್ಲಿ ಸಾಧನೆ ಮಾಡಿದ್ದರೆ ಅದಕ್ಕೆ ಕಾರಣ ನನ್ನ ತಾಯಿ ಎನ್ನುತ್ತಾರೆ ಹೇಮ ಮಾಲಿನಿ.

ಜಯಸ್ಮೃತಿ ಅಕಾಡೆಮಿ ಮೂಲಕ ಈಗ ಯುವಜನತೆಯನ್ನು ಮುಂದೆ ತರುತ್ತಿದ್ದೇವೆ. ಶಾಸ್ತ್ರೀಯ ನೃತ್ಯದಲ್ಲಿ ಆಸಕ್ತಿಯಿರುವವರಿಗೆ ಅವಕಾಶ ನೀಡುತ್ತೇವೆ. ಇಂದು ಬಾಲಿವುಡ್ ಸಿನಿಮಾಗಳಲ್ಲಿ ಶಾಸ್ತ್ರೀಯ ನೃತ್ಯ ಕಡಿಮೆಯಾಗುತ್ತಿದೆ. ಇದನ್ನು ಬೆಳೆಸಬೇಕು. ಐಶ್ವರ್ಯ ರೈ, ದೀಪಿಕಾ ಪಡುಕೋಣೆ ಮೊದಲಾದವರು ಚೆನ್ನಾಗಿ ನೃತ್ಯ ಮಾಡುತ್ತಾರೆ ಎಂದು ಹಿರಿಯ ನಟಿ ಶ್ಲಾಘಿಸಿದರು.