ಪ್ರಿಯಾಂಕಾ ಚೋಪ್ರಾ ಮಾತು ಕೇಳಿ ಪರಿಣಿತಿ ಮಧ್ಯರಾತ್ರಿ ಬಿಕ್ಕಿ ಬಿಕ್ಕಿ ಅತ್ತಿದ್ದೇಕೆ?

ಮುಂಬೈ: ಅಂತಾರಾಷ್ಟ್ರೀಯ ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಪರಿಣೀತಿ ಚೋಪ್ರಾ ಅಕ್ಕ-ತಂಗಿಯರೆಂಬುದು ಎಲ್ಲರಿಗೂ ತಿಳಿದ ವಿಚಾರವೇ. ಆದರೆ ಅಕ್ಕನ ಮಾತು ಕೇಳಿ ಪರಿಣಿತಿ ಬಿಕ್ಕಿ ಬಿಕ್ಕಿ ಅತ್ತಿದ್ದರಂತೆ.

ಹೌದು, ಪ್ರಿಯಾಂಕಾ ಚೋಪ್ರಾರಿಗೆ ನಿಕ್ ಜೋನಸ್ ಪ್ರಪೋಸ್ ಮಾಡಿದ ವಿಷಯವನ್ನು ಪ್ರಿಯಾಂಕಾ ತನ್ನ ಆತ್ಮೀಯ ಸಹೋದರಿ ಪರಿಣಿತಿ ಚೋಪ್ರಾಗೆ ಮೊದಲು ತಿಳಿಸಿದ್ದು ಇದು ಮಧ್ಯರಾತ್ರಿಯಲ್ಲಿ ಕಣ್ಣೀರು ಹಾಕುವಂತೆ ಮಾಡಿತ್ತು. 

ಇದನ್ನು ಸ್ವತಃ ಪರಿಣಿತಿ ಚೋಪ್ರಾ ಅವರೇ ಹಂಚಿಕೊಂಡಿದ್ದಾರೆ. ನಾನು ಅಂದು ರಾತ್ರಿ ಪ್ರಿಯಾಂಕಾಗೆ ಹುಟ್ಟುಹಬ್ಬದ ವಿಶ್ ಮಾಡಿ ಮಲಗಿದ್ದೆ. ಮೂರು ಗಂಟೆ ರಾತ್ರಿಗೆ ಪ್ರಿಯಾಂಕ ನನಗೆ ನಾಲ್ಕು ಬಾರಿ ಕಾಲ್ ಮಾಡಿದ್ದಳು. ನನಗೆ ಗೊತ್ತಿರಲಿಲ್ಲ. 

ಆಮೇಲೆ ಎದ್ದು ರಿಪ್ಲೆ ಮಾಡಿದಾಗ ಅವಳು ನಿಕ್ ತನಗೆ ಪ್ರಪೋಸ್ ಮಾಡಿರುವುದಾಗಿ ಅದನ್ನು ನಾನು ಒಪ್ಪಿಕೊಂಡಿದ್ದು ಈ ವಿಷಯವನ್ನು ನಿನಗೇ ಮೊದಲು ಹೇಳಬೇಕು ಎಂದು ಕಾಲ್ ಮಾಡಿದೆ ಎಂದು ಹೇಳಿದಾಗ ನನಗೆ ಏನು ಹೇಳಬೇಕು ಎಂದು ಗೊತ್ತಾಗಲಿಲ್ಲ. ಆದರೆ ಅವಳ ಮೇಲಿನ ಅಭಿಮಾನಕ್ಕೆ ನನ್ನ ಕಣ್ಣಲ್ಲಿ ನೀರು ಬಂದು ತುಂಬಾ ಅತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.