ವಿವಿಧ ಭಾಷೆಗಳಲ್ಲಿ ಸಾವಿರಾರು ಹಾಡುಗಳ ಮೂಲಕ ರಂಜಿಸಿದ್ದ ಲೆಜೆಂಡರಿ ಸಿಂಗರ್ ಆಶಾ ಭೋಸ್ಲೆ 92 ನೇ ವಯಸ್ಸಿಗೆ ಇಹಲೋಕ ತ್ಯಜಿಸಿದ್ದಾರೆ. ಅವರು ಮುಂಬೈನ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಉಸಿರಾಟದ ತೊಂದರೆ ಮತ್ತು ಎದೆಯ ಸೋಂಕಿನಿಂದ ಬಳಲುತ್ತಿದ್ದ ಅವರು ಮಲ್ಟಿಪಲ್ ಆರ್ಗನ್ ಫೇಲ್ಯೂರ್ನಿಂದಾಗಿ ಸಾವನ್ನಪ್ಪಿದ್ದಾರೆ.
ಆಶಾ ಭೋಸ್ಲೆ ಅವರು ಕೇವಲ 16 ವಯಸ್ಸಿನವರಿದ್ದಾಗ, ತಮಗಿಂತ 20 ವರ್ಷ ಹಿರಿಯರಾದ ಗಣಪತ್ ರಾವ್ ಭೋಸ್ಲೆ ಎಂಬುವರನ್ನ ಪ್ರೀತಿಸಿ ಮದುವೆಯಾದರು. ಈ ಮದುವೆಗೆ ಅವರ ಕುಟುಂಬದ, ವಿಶೇಷವಾಗಿ ಅವರ ಅಕ್ಕ ಲತಾ ಮಂಗೇಶ್ಕರ್ ಅವರ ತೀವ್ರ ವಿರೋಧವಿತ್ತು. ಈ ಮದುವೆಯ ಕಾರಣದಿಂದ ಲತಾ ಮಂಗೇಶ್ಕರ್ ಅವರು ದೀರ್ಘಕಾಲದವರೆಗೆ ತಂಗಿ ಆಶಾ ಅವರೊಂದಿಗೆ ಮಾತನಾಡುತ್ತಿರಲಿಲ್ಲ ಎನ್ನಲಾಗಿದೆ.
ಲತಾ ಮಂಗೇಶ್ಕರ್ ಅವರ ಬಳೆ ಸೆಕ್ರೆಟರಿ ಆಗಿ ಕೆಲಸ ಮಾಡುತ್ತಿದ್ದ ಗಣಪತ್ ರಾವ್ ಬೋಸ್ಲೆ ಅವರನ್ನು ಪ್ರೀತಿಸಿ ಮನೆಯವರ ವಿರೋಧಧ ನಡುವೆಯು ಅವರನ್ನು ವಿವಾಹವಾದರು. ತಮ್ಮ ಮೊದಲ ಮದುವೆಯಲ್ಲಿ ಆಶಾ ಅವರು ಸಾಕಷ್ಟು ಮಾನಸಿಕ ಮತ್ತು ದೈಹಿಕ ಕಿರುಕುಳನ್ನ ಅನುಭವಿಸಿದರು.
ಗಣಪತ್ ರಾವ್ ಅವರು ಆಶಾ ಅವರ ಕುಟುಂಬದೊಂದಿಗೆ, ಅದರಲ್ಲೂ ಮುಖ್ಯವಾಗಿ ಲತಾ ಮಂಗೇಶ್ಕರ್ ಅವರೊಂದಿಗೆ ಸಂಪರ್ಕ ಇಟ್ಟುಕೊಳ್ಳುವುದನ್ನ ಇಷ್ಟಪಡುತ್ತಿರಲಿಲ್ಲ. ಅಲ್ಲದೇ, ಅವರ ಮೇಲೆ ಸಂಶಯವನ್ನೂ ಪಡ್ತಿದ್ದರು ಎನ್ನಲಾಗಿದೆ.
ಆಶಾ ಭೋಸ್ಲೆ ಅವರ ಜೀವನದ ಅತ್ಯಂತ ನೋವಿನ ಘಟನೆಯೆಂದರೆ, ಅವರು ತಮ್ಮ ಮೂರನೇ ಮಗುವಾದ ಆನಂದ್ ಗೆ ಗರ್ಭಿಣಿಯಾಗಿದ್ದಾಗ. ಗಣಪತ್ ರಾವ್ ಆಶಾರನ್ನು ಮನೆಯಿಂದ ಹೊರಹಾಕಿದ್ದರು. ಅಂತಹ ಕಠಿಣ ಪರಿಸ್ಥಿತಿಯಲ್ಲಿ ಮೂವರು ಚಿಕ್ಕ ಮಕ್ಕಳೊಂದಿಗೆ ಮತ್ತು ಯಾವುದೇ ಆರ್ಥಿಕ ಬೆಂಬಲವಿಲ್ಲದೆ ಏಕಾಂಗಿಯಾಗಿ ಉಳಿದ ಆಶಾ ಭೋಸ್ಲೆಗೆ ತನ್ನನ್ನು ಸಂಪೂರ್ಣವಾಗಿ ತನ್ನ ಕೆಲಸದಲ್ಲಿ ತೊಡಗಿಸಿಕೊಳ್ಳುವುದನ್ನು ಬಿಟ್ಟು ಬೇರೆ ದಾರಿಯಿರಲಿಲ್ಲ. ಅದರಿಂದ ಅವರ ವೃತ್ತಿಜೀವನದ ನಿರ್ಮಾಣವಾಯಿತು.
ಅದಾದ ನಂತರ ಆಶಾ ಭೋಸ್ಲೆಯವರ ವೃತ್ತಿಪರ ಜೀವನವು ಪ್ರವರ್ಧಮಾನಕ್ಕೆ ಬಂದಿತು. ಅವರು 'ಗುಮ್ರಾ', 'ವಕ್ತ್', 'ಆದ್ಮಿ ಔರ್ ಇನ್ಸಾನ್' ಮತ್ತು 'ಹಮ್ರಾಜ್' ನಂತಹ ಚಿತ್ರಗಳಿಗೆ ಹಾಡಿದರು, ನಿಷ್ಠಾವಂತ ಅಭಿಮಾನಿಗಳನ್ನು ಬೆಳೆಸಿಕೊಂಡರು ಮತ್ತು ಅವರ ಸಹೋದರಿಯಿಂದ ಸಂಪೂರ್ಣವಾಗಿ ವಿಭಿನ್ನವಾದ ಗುರುತನ್ನು ರೂಪಿಸಿಕೊಂಡರು.
ಆಶಾ ಭೋಸ್ಲೆ ಅವರ ಬೆಳೆಯುತ್ತಿರುವ ಅಭಿಮಾನಿಗಳಲ್ಲಿ ರಾಹುಲ್ ದೇವ್ ಬರ್ಮನ್ ಎಂಬ ಯುವ ಸಂಗೀತ ಪ್ರೇಮಿ ಇದ್ದರು, ಅವರು ಅವರನ್ನು ಮೊದಲು ತಮ್ಮ ತಂದೆಯ ರೆಕಾರ್ಡಿಂಗ್ ಸ್ಟುಡಿಯೋದಲ್ಲಿ ಭೇಟಿಯಾದರು. ಇಬ್ಬರೂ ಹಿಂದಿ ಚಲನಚಿತ್ರ ಸಂಗೀತದಲ್ಲಿ ಪ್ರಮುಖ ಶಕ್ತಿಗಳಾಗಿ ಬೆಳೆದಾಗ, ಅವರ ವೃತ್ತಿಪರ ಸಹಯೋಗವು ಅವರನ್ನು ವೈಯಕ್ತಿಕವಾಗಿ ಹತ್ತಿರಕ್ಕೆ ತಂದಿತು.
ಆಶಾಗಿಂತ ಆರು ವರ್ಷ ಚಿಕ್ಕವರಾದ ಬರ್ಮನ್ ಜೊತೆ 1980 ರ ದಶಕದಲ್ಲಿ ವಿವಾಹವಾದರು. ಒಟ್ಟಿಗೆ, ಅವರು ಹಿಂದಿ ಚಲನಚಿತ್ರ ಸಂಗೀತ ಕ್ಷೇತ್ರದಲ್ಲಿ ಮೊದಲ ಜೋಡಿಯಾಗಿ ಪ್ರಾಬಲ್ಯ ಸಾಧಿಸಿದರು.
ನಂತರದ ದಿನಗಳಲ್ಲಿ ಆಶಾ ಭೋಸ್ಲೆ ಅವರು ಖ್ಯಾತ ಸಂಗೀತ ನಿರ್ದೇಶಕ ಆರ್.ಡಿ ಬರ್ಮನ್ ಅವರನ್ನ 1980ರಲ್ಲಿ ವಿವಾಹವಾಗಿದ್ದರು. 1994ರಲ್ಲಿ ಬರ್ಮನ್ ಅವರು ನಿಧನರಾಗುವವರೆಗೂ ಅವರಿಬ್ಬರ ನಡುವೆ ಗಾಢವಾದ ಪ್ರೀತಿ ಮತ್ತು ಗೌರವವಿತ್ತು.
ಪತಿಯನ್ನು ಕಳೆದುಕೊಂಡ ನೋವಿನಲ್ಲಿದ್ದ ಆಶಾಗೆ ಮತ್ತೊಂದು ಭೀಕರ ಆಘಾತ ಕಾದಿತ್ತು. ಅವರಿಗೆ ಹೇಮಂತ್, ವರ್ಷಾ ಮತ್ತು ಆನಂದ್ ಎಂಬ ಮೂವರು ಮಕ್ಕಳಿದ್ದರು. ಆದರೆ, 2012ರಲ್ಲಿ ಮಗಳು ವರ್ಷಾ ಭೋಸ್ಲೆ ತಮ್ಮದೇ ಮನೆಯಲ್ಲಿ ಆತ್ಮಹತ್ಯೆಗೆ ಶರಣಾದರು. ಮಗಳ ಸಾವಿನ ಭೀಕರ ನೋವಿನಿಂದ ಆಶಾ ಹೊರಬರುವ ಮುನ್ನವೇ, 2015ರಲ್ಲಿ ಕ್ಯಾನ್ಸರ್ನಿಂದಾಗಿ ಅವರ ಹಿರಿಯ ಮಗ ಹೇಮಂತ್ ಭೋಸ್ಲೆ ಕೂಡ ಸಾವನ್ನಪ್ಪಿದರು.
Advertisement
