'ಬೇವಾಚ್' ತಾರಾಗಣದಲ್ಲಿ ಪ್ರಿಯಾಂಕಾ ಚೋಪ್ರಾ ಜೊತೆಗೆ ಪಮೇಲಾ ಆಂಡೆರ್ಸನ್

ಲಾಸೇಂಜಲಿಸ್: ಹಾಲಿವುಡ್ ನಟಿ-ರೂಪದರ್ಶಿ ಪಮೇಲಾ ಆಂಡೆರ್ಸನ್ ಅವರು ಬಹು ತಾರಾಗಣದ 'ಬೇವಾಚ್' ಸಿನೆಮಾದ ಪಾತ್ರವಾಗಿ ಚಿತ್ರತಂಡ ಸೇರಿಕೊಂಡಿದ್ದಾರೆ.

ಇಸ್ಟಾಗ್ರಾಂ ಪೋಸ್ಟ್ ಮೂಲಕ ೪೮ ವರ್ಷದ ಈ ನಟಿ ಸಿನೆಮಾದ ಭಾಗವಾಗುತ್ತಿರುವುದನ್ನು ನಟ ದ್ವೇಯ್ನ್ 'ದ ರಾಕ್' ಜಾನ್ಸನ್ ಘೋಷಿಸಿದ್ದಾರೆ.

"ನಮ್ಮ ಬೇವಾಚ್ ತಾರಾಗಣಕ್ಕೆ ಎಂದಿಗೂ ಸುಂದರವಾದ ಪಮೇಲಾ ಆಂಡೆರ್ಸನ್ ಅವರಿಗೆ ಸುಸ್ವಾಗತ. ನಿಮ್ಮನ್ನು ಬಿಟ್ಟು ಈ ಸಿನೆಮಾ ಮಾಡಲು ಸಾಧ್ಯವಿರಲಿಲ್ಲ" ಎಂದು ನಟ ಬರೆದಿದ್ದಾರೆ.

ಸೇಥ್ ಗಾರ್ಡನ್ ನಿರ್ದೇಶನದ 'ಬೇವಾಚ್' ಸಿನೆಮಾದಲ್ಲಿ ಬಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾ ಕೂಡ ನಟಿಸುತ್ತಿದ್ದು, ಈ ಸಿನೆಮಾ ಅಮೆರಿಕಾದಲ್ಲಿ ಮೇ ೧೯ ೨೦೧೭ಕ್ಕೆ ಬಿಡುಗಡೆಯಾಗಬೇಕಿದೆ. ಅಮೆರಿಕಾ ಧಾರವಾಹಿ 'ಕ್ವಾಂಟಿಕೋ' ಮೂಲಕ ಜಾಗತಿಕವಾಗಿ ಜನಪ್ರಿಯವಾಗಿರುವ ಪ್ರಿಯಾಂಕಾ ಚೋಪ್ರಾ ಅವರಿಗೆ ಇದು ಮೊದಲ ಹಾಲಿವುಡ್ ಸಿನೆಮಾ.