ಸುಮಲತಾ ನನ್ನ ನೆಚ್ಚಿನ ಆನ್ ಸ್ಕ್ರೀನ್ ಅಮ್ಮ: ಹರಿಪ್ರಿಯಾ

ಜೆ ಶಂಕರ್ ನಿರ್ದೇಶನದ ಡಾಟರ್ ಆಫ್ ಪಾರ್ವತಮ್ಮ ಚಿತ್ರದಲ್ಲಿ ನಟಿ ಹರಿಪ್ರಿಯಾ ತನಿಖಾಧಿಕಾರಿ ಪಾತ್ರದಲ್ಲಿ ಅಭಿನಯಿಸುತ್ತಿದ್ದು ಹರಿಪ್ರಿಯಾಗೆ ತಾಯಿಯಾಗಿ ಹಿರಿಯ ನಟಿ ಸುಮಲತ ನಟಿಸುತ್ತಿದ್ದಾರೆ. 

ಚಿತ್ರದ ಕುರಿತಂತೆ ಮಾತನಾಡಿರುವ ಹರಿಪ್ರಿಯಾ ಅವರು ಸುಮಲತ ಅವರೊಂದಿಗೆ ನಟಿಸುವುದಕ್ಕೆ ತುಂಬಾ ಖುಷಿಯಾಗಿದೆ. ಅವರ ಜೊತೆ ಕೆಲಸ ಮಾಡಲು ತುಂಬಾ ಹಿತಕರವಾಗಿತ್ತು. ಸುಮಲತ ಅವರು ನನ್ನ ನೆಚ್ಚಿನ ಆನ್ ಸ್ಕ್ರೀನ್ ಅಮ್ಮ ಎಂದು ಹೇಳಿದ್ದಾರೆ. 

ಕಥೆ ಕೇಳಬೇಕಾದರೆ ನನ್ನ ತಾಯಿಯ ಪಾತ್ರವನ್ನು ಸುಮಲತ ಅವರು ಮಾಡಿದರೆ ಚನ್ನಾಗಿರುತ್ತೆ ಅಂದುಕೊಂಡಿದ್ದೆ. ಅದೃಷ್ಟವಶಾತ್ ಸುಮಲತ ಅವರು ಈ ಪಾತ್ರವನ್ನು ಮಾಡಲು ಒಪ್ಪಕೊಂಡಿದ್ದು ನಿಜಕ್ಕೂ ಸಂತೋಷದ ವಿಷಯವಾಗಿತ್ತು. ಶೂಟಿಂಗ್ ಬಿಡುವಿನಲ್ಲಿ ಅವರು ಎಲ್ಲರ ಜೊತೆ ಬೆರೆಯುವುದು, ಅವರ ನಡೆ ನುಡಿ ನನಗೆ ದೊಡ್ಡ ಸ್ಫೂರ್ತಿ ಎಂದು ಹೇಳಿದ್ದಾರೆ.