ಸ್ಯಾಂಡಲ್ವುಡ್ ನ ನವರಸ ನಾಯಕ ಜಗ್ಗೇಶ್ ಅಭಿನಯದ 8ಎಂಎಂ ಬುಲೆಟ್ ಚಿತ್ರ ಇದೇ ವಾರ ತೆರೆಗಪ್ಪಳಿಸಲಿದ್ದು ಅಭಿಮಾನಿಗಳು ಹೆಚ್ಚು ಕಾತುರರಾಗಿದ್ದಾರೆ.
ಚಿತ್ರವನ್ನು ಹರಿಕೃಷ್ಣ ಎಂಬುವರು ನಿರ್ದೇಶಿಸಿದ್ದು ಚಿತ್ರದಲ್ಲಿ ಜಗ್ಗೇಶ್ ಒನ್ ಮ್ಯಾನ್ ಶೋ ಎಂದು ಹೇಳಿದ್ದಾರೆ. ಚಿತ್ರದಲ್ಲಿ ಜಗ್ಗೇಶ್ ನೆಗೆಟಿವ್ ರೋಲ್ ನಲ್ಲಿ ನಟಿಸುತ್ತಿದ್ದಾರೆ. ಚಿತ್ರಕಥೆ 8 ಕೊಲೆಗಳ ಸುತ್ತ ಸುತ್ತುತ್ತದೆ. ಈ ಕೊಲೆಗಳು ಆಗಲು ಕಾರಣ ಏನೆಂಬುದೆ ಚಿತ್ರಕಥೆ ಎಂದು ಹರಿಕೃಷ್ಣ ಹೇಳಿದ್ದಾರೆ.
ಚಿತ್ರದಲ್ಲಿ ವಸಿಷ್ಠ ಸಿಂಹ ಹಾಗೂ ಮಯೂರಿ ಸಹ ಅಭಿನಯಿಸಿದ್ದಾರೆ. ಇದರಲ್ಲಿ ಇವರಿಬ್ಬರ ಪಾತ್ರ ವಿಭಿನ್ನವಾಗಿದೆ. ಇವರಿಬ್ಬರು ಒಂದೇ ಅಥವಾ ಎರಡು ಬಾರಿ ಮಾತ್ರ ಜಗ್ಗೇಶ್ ಜತೆ ಕಾಣಿಸಿಕೊಳ್ಳಲಿದ್ದಾರೆ. ಕ್ಲೈಮ್ಯಾಕ್ಸ್ ತನಕ ಚಿತ್ರದಲ್ಲಿ ಏನಾಗುತ್ತಿದೆ ಎಂಬ ಕುತೂಹಲ ಇರಲಿದೆ ಎಂದರು.
8ಎಂಎಂ ಬುಲೆಟ್ ಚಿತ್ರದಲ್ಲಿ ಜಗ್ಗೇಶ್ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದು ಅವರ ಲುಕ್ ಅಭಿಮಾನಿಗಳನ್ನು ಆಕರ್ಷಿಸಿದೆ.