'ತಿಥಿ' ಈರೇಗೌಡ ವಿರುದ್ಧ #MeToo ಆರೋಪ, ಯುವತಿ ಬೆಂಬಲಕ್ಕೆ ನಿಂತ ಶೃತಿ ಹರಿಹರನ್!

ಬೆಂಗಳೂರು: 'ತಿಥಿ' ಚಿತ್ರ ಖ್ಯಾತಿಯ ಬರಹಗಾರ ಈರೇಗೌಡ ವಿರುದ್ಧ ಕೇಳಿಬಂದಿರುವ ಗಂಭೀರ #MeToo ಆರೋಪಕ್ಕೆ ಸಂಬಂಧಿಸಿದಂತೆ ನಟಿ ಶೃತಿ ಹರಿಹರನ್ ಪ್ರತಿಕ್ರಿಯೆ ನೀಡಿದ್ದು, ಯುವತಿ ಪರವಾಗಿ ನಾವಿದ್ದೇವೆ ಎಂದು ಹೇಳಿದ್ದಾರೆ.

ಈ ಬಗ್ಗೆ ಫೇಸ್ ಬುಕ್ ನಲ್ಲಿ ಪೋಸ್ಟ್  ಹಾಕಿರುವ ನಟಿ ಶೃತಿ ಹರಿಹರನ್, ತಿಥಿ ಈರೇಗೌಡ ನಿನ್ನ ಸಮಯ ಬಂದಿದ್ದು, ಏಕ್ತಾ ಬೆಂಬಲಕ್ಕೆ ನಾವಿದ್ದೇವೆ. ಯಾವುದೇ ಪುರುಷನಾಗಲಿ ಮಹಿಳೆಯೊಂದಿಗೆ ಈ ರೀತಿ ವರ್ತಿಸಬಾರದು ಎಂದು ನಟಿ ಶೃತಿ ಹರಿಹರನ್ ಪೋಸ್ಟ್ ಮಾಡಿದ್ದಾರೆ. ಅಲ್ಲದೆ ಮೀಟೂ ಆರೋಪ ಮಾಡಿ ಪೋಸ್ಚ್ ಹಾಕಿದ್ದ ಏಕ್ತಾ ಅವರ ಫೇಸ್ ಬುಕ್ ಪೋಸ್ಟ್ ಅನ್ನು ನಟಿ ಶೃತಿ ತಮ್ಮ ಫೇಸ್ ಬುಕ್ ಟೈಮ್ ಲೈನ್ ನಲ್ಲಿ ಶೇರ್ ಮಾಡಿದ್ದಾರೆ.

ಅಲ್ಲದೆ ಏಕ್ತಾ ಬೆಂಬಲಕ್ಕೆ ಇನ್ನೂ ಮತ್ತಷ್ಟು ಮಂದಿ ಧಾವಿಸಲಿದ್ದಾರೆ ಎಂದು ಯುವತಿ ಏಕ್ತಾಗೆ ಧೈರ್ಯ ಹೇಳಿದ್ದಾರೆ.