ಕೆಜಿಎಫ್ 2 'ಅಧೀರ' ಯಾರೆಂಬ ಕುತೂಹಲಕ್ಕೆ ತೆರೆ; ಫಸ್ಟ್ ಲುಕ್‌ನಲ್ಲಿ ಬಹಿರಂಗ!

2018ರಲ್ಲಿ ಬಿಡುಗಡೆಯಾಗಿದ್ದ ಕೆಜಿಎಫ್ ಚಾಪ್ಟರ್ 1 ಚಿತ್ರ ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಸಾರ್ವಕಾಲಿಕ ದಾಖಲೆ ಮಾಡಿತ್ತು. ಬರೋಬ್ಬರಿ 240ಕ್ಕೂ ಹೆಚ್ಚು ಕೋಟಿ ಕಲೆಕ್ಷನ್ ಮಾಡಿತ್ತು. ಇದೀಗ ಕೆಜಿಎಫ್ 2ಗಾಗಿ ದೇಶವೇ ಎದುರು ನೋಡುತ್ತಿದೆ. ಈ ಚಿತ್ರದಲ್ಲಿ ತೀವ್ರ ಕುತೂಹಲ ಕೆರಳಿದ್ದ ಅಧೀರ ಪಾತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ. 

ಕೆಜಿಎಫ್ 2 ಚಿತ್ರತಂಡ ಕಳೆದ ಶುಕ್ರವಾರ ಟ್ವೀಟ್ ವೊಂದನ್ನು ಮಾಡಿ ಸೋಮವಾರ ಬೆಳಗ್ಗೆ 10 ಗಂಟೆಗೆ ಅಧೀರ ಪಾತ್ರಧಾರಿ ಯಾರೆಂಬುದು ತಿಳಿಸುವುದಾಗಿ ಟ್ವೀಟ್ ಮಾಡಿತ್ತು. ಅದರಂತೆ ಇಂದು ನಿರ್ದೇಶಕ ಪ್ರಶಾಂತ್ ನೀಲ್ ಚಿತ್ರದ ಅಧೀರ ಪಾತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದೆ. ಇನ್ನು ವಿಶೇಷ ಎಂದರೆ ಅಧೀರ ಪಾತ್ರದಲ್ಲಿ ಬಾಲಿವುಡ್ ನಟ ಸಂಜಯ್ ದತ್ ನಟಿಸುತ್ತಿದ್ದು ಇಂದು ಸಂಜಯ್ ದತ್ ಹುಟ್ಟುಹಬ್ಬದಂತೆ ಫಸ್ಟ್ ಲುಕ್ ರಿಲೀವ್ ಮಾಡಲಾಗಿದೆ. 

ಕೆಜಿಎಫ್ ಚಾಪ್ಟರ್ 1ನಲ್ಲಿ ಅಧೀರ ಪಾತ್ರವನ್ನು ಸೃಷ್ಟಿಸಲಾಗಿತ್ತು. ಹೆಸರನ್ನು ಬಿಟ್ಟರೇ ಅಧೀರನ ಗುರುತಿಸುವಿಕೆಗಾಗಿ ಬಲಗೈನ ಬೆರಳಿನಲ್ಲಿ ಸಿಂಹ ಮುಖದ ಉಂಗುರವನ್ನು ತೋರಿಸಲಾಗುತ್ತಿತ್ತು.