ನಟಿ ಹರಿಪ್ರಿಯಾ ಅಭಿನಯದ 25ನೇ ಚಿತ್ರ D/o ಪಾರ್ವತಮ್ಮ ಚಿತ್ರದ ಮೊದಲ ವಿಡಿಯೋ ಬಿಡುಗಡೆಯಾಗಿದೆ. ಚಿತ್ರದ ವಿಶೇಷವೆಂದರೆ ಈ ಹಾಡನ್ನು ನಟ ಡಾಲಿ ಧನಂಜಯ್ ಅವರು ಬರೆದಿದ್ದಾರೆ.
D/o ಪಾರ್ವತಮ್ಮ ಚಿತ್ರದಲ್ಲಿ ಹರಿಪ್ರಿಯಾ ಅವರ ತಾಯಿ ಪಾತ್ರದಲ್ಲಿ ಸುಮಲತಾ ಅವರು ಅಭಿನಯಿಸುತ್ತಿದ್ದಾರೆ. ಚಿತ್ರವನ್ನು ಜೆ ಶಂಕರ್ ನಿರ್ದೇಶಿಸಿದ್ದಾರೆ. ಈ ಚಿತ್ರ ಮೇ 24ರಂದು ರಾಜ್ಯಾದ್ಯಂತ ತೆರೆ ಕಾಣಲಿದೆ.
ಡಾಲಿ ಧನಂಜಯ್ ಅವರು D/o ಪಾರ್ವತಮ್ಮ ಚಿತ್ರದ ಜೀವಕಳ್ಳಿ ಜೀವಬೇಟೆ ಹಾಡು ಬರೆಯುವ ಮೂಲಕ ತಮ್ಮಲ್ಲಿ ಸೃಜನಶೀಲ ಕವಿ ಇದ್ದಾನೆ ಎಂಬುದನ್ನು ತೋರಿಸಿದ್ದಾರೆ.
ಚಿತ್ರಕ್ಕೆ ಮಿಥುನ್ ಮುಕುಂದನ್ ಸಂಗೀತ ಸಂಯೋಜಿಸಿದ್ದಾರೆ. ಈ ಹಾಡನ್ನು ಕಾರ್ತಿಕ್ ಚೀನೋಜಿ ರಾವ್ ಮತ್ತು ನಾರಾಯಣ ಶರ್ಮ ಹಾಡಿದ್ದಾರೆ. ಈ ವಿಡಿಯೋ ಹಾಡನ್ನು ಪಿಆರ್ಕೆ ಆಡಿಯೋ ಅಡಿಯಲ್ಲಿ ಭರಾಟೆ ನಾಯಕ ಶ್ರೀಮುರಳಿ ಬಿಡುಗಡೆ ಮಾಡಲಿದ್ದಾರೆ.
