ಡಬ್‍ಸ್ಮಾಶ್ ಜೋಡಿಯ ಮದುವೆಗೆ ಬಂದ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ!

ಡಬ್‍ಸ್ಮಾಶ್ ನಲ್ಲಿ ವಿಡಿಯೋಗಳನ್ನು ಮಾಡುತ್ತಾ ಪ್ರೀತಿಯಲ್ಲಿ ಬಿದ್ದ ಜೋಡಿಯೊಂದು ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು ಈ ಜೋಡಿಯ ಮದುವೆಗೆ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಆಗಮಿಸಿ ಶುಭ ಕೋರಿದ್ದಾರೆ.

ಸುಷ್ಮಿತಾ ಶೇಷಗಿರಿ ಮತ್ತು ಅಲ್ಲು ರಘು ಸತಿ-ಪತಿಗಳಾಗಿ ಹೊಸ ಜೀವನಕ್ಕೆ ಮುನ್ನುಡಿ ಬರೆದಿದ್ದಾರೆ. ಇನ್ನು ರಘು ಧ್ರುವ ಸರ್ಜಾ ಅವರ ಅಭಿಮಾನಿಯಾಗಿದ್ದು ತಮ್ಮ ನೆಚ್ಚಿನ ನಟನನ್ನು ಮದುವೆಗೆ ಆಹ್ವಾನಿಸಿದ್ದರು. ಅಂತೆ ಮದುವೆಗೆ ಧ್ರುವ ಸರ್ಜಾ ಬಂದಿದ್ದರು. 

ಡಬ್‍ಸ್ಮಾಶ್ ನಲ್ಲಿ ರಘು ಮತ್ತು ಸುಷ್ಮಿತಾ ಅವರು ಮಾಡುತ್ತಿದ್ದ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದವು. ತನ್ನ ಮದುವೆಗೆ ಧ್ರುವ ಸರ್ಜಾ ಆಗಮಿಸಿದ್ದ ವಿಡಿಯೋವನ್ನು ರಘು ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.