ಬೆಂಗಳೂರು: ಪಾಪಾ ಪಾಂಡು ಖ್ಯಾತಿಯ ನಟ, ನಿರೂಪಕ ಸೌರಭ್ ಕುಲಕರ್ಣಿ ಮೊದಲ ಬಾರಿಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಸಿರಿ ಲಂಬೋದರ ವಿವಾಹ (ಎಸ್ ಎಲ್ ವಿ) ಎನ್ನುವ ಸಿನಿಮಾವನ್ನು ಅವರು ನಿರ್ದೇಶಿಸುತ್ತಿದ್ದಾರೆ. ಸೌರಭ್ ಅವರು ಕನ್ನಡದ ಹೆಸರಾಂತ ನಿರೂಪಕ ದಿ.ಸಂಜೀವ್ ಕುಲಕರ್ಣಿ ಅವರ ಪುತ್ರ.
ನಮ್ಮನೆ ಪ್ರೊಡಕ್ಷನ್ ಟೀಮ್ ತಂಡ ಈ ಚಿತ್ರ ನಿರ್ಮಾಣದಲ್ಲಿ ಕೈಜೋಡಿಸಿದೆ. ನಿರ್ಮಾಣ ಮಾತ್ರವಲ್ಲದೆ ಕಥೆ, ಚಿತ್ರಕಥೆ ಸಂಭಾಷಣೆ ಜವಾಬ್ದಾರಿಯಲ್ಲೂ ನಮ್ಮನೆ ತಂಡ ಭಾಗಿಯಾಗಿದೆ.
ಸಿನಿಮಾ ಕಥೆಯ ಕುರಿತು ಹೆಚ್ಚಿನ ವಿವರ ಬಿಟ್ಟುಕೊಡದ ಸೌರಭ್, ಟ್ವಿಸ್ಟ್ ಒಳಗೊಂಡ ಫ್ಯಾಮಿಲಿ ಡ್ರಾಮ ಎಂದಷ್ಟೇ ಹೇಳಿ ನಿರೀಕ್ಷೆ ಹುಟ್ಟುಹಾಕಿದ್ದಾರೆ. ಈ ಹಿಂದೆ ನಟನೆಯನ್ನು ಹೊರತು ಪಡಿಸಿ ಹಲವು ಕಿರುಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.
ಅಂಜನ್ ಭಾರದ್ವಾಜ್ ಮತ್ತು ದಿಶಾ ರಮೇಶ್ ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ನಾಯಕಿ ದಿಶಾ ರಮೇಶ್ ಹಾಸ್ಯ ನಟ ಮಂಡ್ಯ ರಮೇಶ್ ಅವರ ಪುತ್ರಿ.
ಕಳೆದೊಂದು ವರ್ಷಗಳಿಂದ ಸೌರಭ್ ಈ ಚಿತ್ರದ ಮೇಲೆ ಕೆಲಸ ಮಾಡುತ್ತಿದ್ದಾರೆ. ಸಿನಿಮಾ ಕ್ರೌಡ್ ಫಂಡ್ ನೆರವಿನೊಂದಿಗೆ ಮೂಡಿ ಬರುತ್ತಿರುವುದಾಗಿ ಅವರು ತಿಳಿಸಿದ್ದಾರೆ. ತಂತ್ರಜ್ನರು, ಸ್ನೇಹಿತರು, ನೆಂಟರಿಷ್ತರು ಈ ಸಿನಿಮಾಗೆ ಹಣ ಹೂಡಿದ್ದಾರೆ.
ತಾರಾಗಣದಲ್ಲಿ ರಾಜೇಶ್ ನಟರಂಗ, ಸುಂದರ್ ವೀಣಾ, ರೋಹಿತ್ ನಾಗೇಶ್, ಬಾಲ ರ್ರಾಜ್ವಾಡಿ, ಶಬರಿ ಮಂಜು, ಶಿವಕುಮಾರ್, ಪಿ.ಡಿ ಸತೀಶ್ ಚಂದ್ರ, ಸಂತೋಷ್ ಕರ್ಕಿ, ಗಿರೀಶ್ ಜತ್ತಿ ಮತ್ತು ಅಶೋಕ್ ಬಿ.ಎ ಮುಂತಾದವರಿದ್ದಾರೆ.
ಇದನ್ನೂ ಓದಿ: ಹಾಸ್ಯನಟ ರಾಜು ತಾಳಿಕೋಟೆ ವಿರುದ್ಧ ಸೋದರ ಅಳಿಯನ ಪತ್ನಿ ಮೇಲೆ ಹಲ್ಲೆ, ಬಲವಂತವಾಗಿ ವಿಷ ಕುಡಿಸಿದ ಆರೋಪ!
Advertisement