ಪೊಲೀಸ್ ಇಲಾಖೆಗೆ 'ಸೆಲ್ಯೂಟ್' ಮೂಲಕ ಗೌರವ: ದೀಪಕ್ ಗೌಡ

ಬೆಂಗಳೂರು: ತಮ್ಮ ನೂತನ ಚಿತ್ರ ಸೆಲ್ಯೂಟ್ ಪೊಲೀಸ್ ಇಲಾಖೆಗೆ ನಾವು ಸಲ್ಲಿಸುತ್ತಿರುವ ಗೌರವವಾಗಿದೆ ಎಂದು ದೀಪಕ್ ಗೌಡ ಹೇಳಿದ್ದಾರೆ.

ನಿರ್ದೇಶಕ ತ್ಯಾಗರಾಜ್ ನಿರ್ದೇಶನದ 27 ನಿಮಿಷಗಳ ಅವಧಿಯ ಚಿತ್ರವು ಪೊಲೀಸ್ ಇಲಾಖೆಗೆ ಮತ್ತು ನಿರ್ಮಾಪಕರ ತಂದೆ ನಿವೃತ್ತ ಪೊಲೀಸ್ ಅಧಿಕಾರಿ ಗೋವಿಂದರಾಜು ಅವರಿಗೆ ಗೌರವವಾಗಿದೆ. ದೀಪಕ್ ಗೌಡ, ಅವರ ಸಹೋದರ ಉಮಾಪತಿ ಗೌಡ ಅವರ ಹೆಜ್ಜೆಗಳನ್ನು ಅನುಸರಿಸಿ, ಸೆಲ್ಯೂಟ್ ಎಂಬ ಕಿರುಚಿತ್ರದೊಂದಿಗೆ ತಮ್ಮ ಮೊದಲ ನಿರ್ಮಾಣ ಉದ್ಯಮ ಸ್ಥಾಪಿಸಿದ್ದಾರೆ.

ನಿರ್ದೇಶಕ ತ್ಯಾಗರಾಜ್ ವಿಶೇಷ ಚೇತನರಾಗಿದ್ದು, ಗಾಲಿಕುರ್ಚಿಯಲ್ಲಿ ಕುಳಿತೇ ಚಿತ್ರ ನಿರ್ದೇಶಸಿದ್ದಾರೆ. ಕಿರುಚಿತ್ರಗಳ ತಮ್ಮ ಗುರಿಯತ್ತ ಇದು ಮೊದಲ ಹೆಜ್ಜೆ ಎಂದು ಅವರು ಭಾವಿಸುತ್ತಾರೆ. ಈ ಕುರಿತು ಮಾತನಾಡಿರುವ ಅವರು, "ನನ್ನ ಉತ್ಸಾಹ ಚಿತ್ರವನ್ನು ಅನುಸರಿಸಲು ನಾನು ನನ್ನ ಕಾರ್ಪೊರೇಟ್ ಕೆಲಸವನ್ನು ತ್ಯಜಿಸಿದೆ. ರೈತರ ಕುರಿತಾದ ನನ್ನ ಮೊದಲ ಕಿರುಚಿತ್ರ ಶ್ರೇಷ್ಟರು ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಂಡು ನಿರ್ಮಾಪಕ ದೀಪಕ್ ಅವರೊಂದಿಗೆ ಸಂಪರ್ಕ ಸಾಧಿಸಿದೆ. ಸೆಲ್ಯೂಟ್ ಮೂರು ವಿಷಯಗಳನ್ನು ಎತ್ತಿ ತೋರಿಸುತ್ತದೆ - ಪೊಲೀಸರು ಎದುರಿಸುತ್ತಿರುವ ಸವಾಲುಗಳು, ಕೋವಿಡ್ ಸಮಯದಲ್ಲಿ ಹೋರಾಟಗಳು ಮತ್ತು ಲೈಂಗಿಕ ನಿಂದನೆ" ಎಂದು ಅವರು ಹೇಳಿದರು.

ಇದನ್ನೂ ಓದಿ: ಆಂಧ್ರ ಪ್ರದೇಶ: ಉನ್ನತ ಅಧಿಕಾರಿ ಮಗಳಿಗೆ ಅಪ್ಪನ ಹೆಮ್ಮೆಯ ಸಲ್ಯೂಟ್

ಸೆಲ್ಯೂಟ್ ಚಿತ್ರದಲ್ಲಿ ಅಶ್ವಿನ್ ಹಾಸನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, 31 ವರ್ಷಗಳ ಕಾಲ ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸಿದ ನಿವೃತ್ತ ಹಿರಿಯ ಪೊಲೀಸ್ ಅಧಿಕಾರಿ ಉಮೇಶ್ ಕೆಎ ಅವರ ನಿಜ ಜೀವನದಿಂದ ಅವರ ಪಾತ್ರ ಸ್ಫೂರ್ತಿಯಾಗಿದೆ ಎಂದು ಹೇಳಿದ್ದಾರೆ.

ಸೆಲ್ಯೂಟ್‌ನ ಸಂಗೀತವನ್ನು ಪ್ರದ್ಯೋತನ್ ಸಂಯೋಜಿಸಿದ್ದು, ಚಿತ್ರವು ಶೀಘ್ರದಲ್ಲೇ ಡಿ ಬೀಟ್ಸ್ ಯುಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಲಿದೆ.