ಸ್ವರ್ಗದಲ್ಲಿರುವಂತೆ ಭಾಸವಾಗುತ್ತಿದೆ: ಕರುಣ್ ತ್ರಿಶತಕಕ್ಕೆ ಪೋಷಕರ ಸಂತಸ

ಚೆನ್ನೈ: ನಮ್ಮ ತ್ರಿಶತಕ ಬಾರಿಸುತ್ತಾನೆಂದು ಚಿಂತಿಸರಲಿಲ್ಲ. ಮಗನ ಬಗ್ಗೆ ನಮಗೆ ಹೆಮ್ಮೆ ಎನಿಸುತ್ತಿದೆ ಎಂದು ಟೆಸ್ಟ್ ಕ್ರಿಕೆಟ್ ನಲ್ಲಿ ತ್ರಿಶಕತ ಬಾರಿಸಿ ಐತಿಹಾಸಿಕ ದಾಖಲೆ ಬರೆದಿರುವ ಕನ್ನಡಿಗ ಕರುಣ್ ನಾಯರ್ ಅವರ ಪೋಷಕರು ಹೇಳಿದ್ದಾರೆ.

ಮಗನ ದಾಖಲೆ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಕರುಣ್ ಅವರು ತಂದೆ ಕಲಾಧರನ್ ನಾಯರ್ ಅವರು, ನನ್ನ ಮಗ ತ್ರಿಶತಕ ಬಾರಿಸುತ್ತಾನೆಂದು ಚಿಂತಿಸಿರಲಿಲ್ಲ. ಮಗನ ಸಾಧನೆ ಕುರಿತು ಹೆಮ್ಮೆಯೆನಿಸುತ್ತಿದೆ. ಕ್ರಿಕೆಟ್ ಆರಂಭವಾದಾಗ ಇಷ್ಟೊಂದು ಸ್ಕೋರ್ ಕರೆ ಹಾಕುತ್ತಾನೆಂದು ಆಲೋಚಿಸಿರಲಿಲ್ಲ. ಆತ 200 ರನ್ ಮಾಡಿದಾಗಲೂ ತ್ರಿಶತಕ ದಾಖಲಿಸುತ್ತಾನೆಂದು ಚಿಂತಿಸಿರಲಿಲ್ಲ. ಪರಿಶ್ರಮದಿಂದಲೇ ಆತ ಸಾಧನೆ ಮಾಡಿದ್ದಾನೆ. ಚಿಕ್ಕ ಮಗುವಿದ್ದಾಗಿನಿಂದಲೂ ಶ್ರಮ ಪಡುತ್ತಿದ್ದ. ಸಾಧನೆಯ ಹಾದಿ ತುಳಿದಿದ್ದಾನೆಂದು ಹೇಳಿದ್ದಾರೆ.

ಕ್ರಿಕೆಟ್ ಬಹಗ್ಗೆ ಕರುಣ್ ಗೆ ನಾವು ಎಂದಿಗೂ ಯಾವುದೇ ಸಲಹೆಗಳನ್ನು ನೀಡಿರಲಿಲ್ಲ. ಅವನು ಏನೇ ಮಾಡಿದರೂ ಅದಕ್ಕೆ ಪ್ರೋತ್ಸಾಹ ನೀಡುತ್ತಿದ್ದೆವು ಎಂದು ತಿಳಿಸಿದ್ದಾರೆ.

ಇದರಂತೆ ಕರುಣ್ ಅವರ ತಾಯಿ ಪ್ರೇಮಾ ನಾಯರ್ ಅವರೂ ಕೂಡ ಪ್ರತಿಕ್ರಿಯೆ ನೀಡಿದ್ದು, ಮಗನ ಸಾಧನೆಗೆ ಹೆಮ್ಮೆಯಾಗುತ್ತಿದೆ. ಆತನ ಸಾಧನೆಯಿಂದಾಗಿ ನನಗೆ ಸ್ವರ್ಗದಲ್ಲಿರುವಂತಹ ಅನುಭವವಾಗುತ್ತಿದೆ ಎಂದು ಹೇಳಿದ್ದಾರೆ.