ಕಾಮೆಂಟರಿ ಹೇಳುತ್ತಲೇ ಅಸ್ವಸ್ಥರಾದ ಮಾಜಿ ಕ್ರಿಕೆಟಿಗ ಮಾರ್ಕ್ ನಿಕೋಲಾಸ್

ಮೆಲ್ಬರ್ನ್: ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ, ಪ್ರಸ್ತುತ ಕ್ರಿಕೆಟ್ ವೀಕ್ಷಕ ವಿವರಣೆಕಾರರಾಗಿರುವ ಮಾರ್ಕ್ ನಿಕೋಲಾಸ್ ಕಾಮೆಂಟರಿ ಹೇಳುತ್ತಲೇ ಅಸ್ವಸ್ಥರಾಗಿದ್ದು ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. 

ಮೆಲ್ಬರ್ನ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ನಡುವಿನ ಟೆಸ್ಟ್ ಪಂದ್ಯದ ವೇಳೆ ವೀಕ್ಷಕ ವಿವರಣೆ ಮಾಡುತ್ತಿದ್ದಾಗಲೇ ಅವರು ಉದರ ಸಂಬಂಧಿ ನೋವಿಗೆ ತುತ್ತಾಗಿದ್ದಾರೆ. 

59 ವರ್ಷದ ಮಾರ್ಕ್ ನಿಕೋಲಾಸ್ ಅವರು ಇತ್ತೀಚೆಗಷ್ಟೇ ಉದರ ಸಂಬಂಧಿತ ಕಾಯಿಲೆಗೆ ಚಿಕಿತ್ಸೆ ಪಡೆದು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು ಇದೀಗ ಮತ್ತೊಂದು ಬಾರಿಗೆ ಮಾರ್ಕ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ.