ಮುಂಬೈ: ಗುರುವಾರ ರಾತ್ರಿ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಟಿ20 ವಿಶ್ವಕಪ್ ಸೆಮಿಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾವನ್ನು 7 ವಿಕೆಟ್‌ನಿಂದ ಮಣಿಸಿ ಫೈನಲ್‌ಗೆ ಪ್ರವೇಶ ಪಡೆದ ವೆಸ್ಟ್ ಇಂಡೀಸ್ ಆಟಗಾರರು ರಾತ್ರಿಯಿಡೀ ಕುಣಿಯುತ್ತಾ ಸಂಭ್ರಮಾಚರಣೆ ಮಾಡಿದ್ದಾರೆ.
ಗೆಲುವಿನ ಸಂಭ್ರಮಾಚರಣೆಯ ಕುಣಿತ ಮೈದಾನದಲ್ಲೇ ಆರಂಭವಾಗಿತ್ತು. ಡ್ವೈಯನ್ ಬ್ರಾವೋ ಮತ್ತು ಇತರ ಆಟಗಾರರು ಚಾಂಪಿಯನ್ ಡ್ಯಾನ್ಸ್ ಮಾಡುತ್ತಾ ಸಂಭ್ರಮಾಚರಣೆ ಮಾಡಿದ ವೀಡಿಯೋವನ್ನು ಐಸಿಸಿ ಟ್ವಿಟರ್‌ನಲ್ಲಿ ಟ್ವೀಟ್ ಮಾಡಿದ್ದು ಆ ಗೆಲುವಿನ ಕುಣಿತ ವೈರಲ್ ಆಗಿದೆ.
