ಬಿಜಾಪುರ ಬುಲ್ಸ್ ಗೆ ಶರಣಾದ ಹುಬ್ಬಳ್ಳಿ ಟೈಗರ್ಸ್

ಹುಬ್ಬಳ್ಳಿ: ಕರ್ನಾಟಕ ಪ್ರಿಮಿಯಲ್ ಲೀಗ್(ಕೆಪಿಎಲ್) 5ನೇ ಆವೃತ್ತಿಯಲ್ಲಿ ಹುಬ್ಬಳ್ಳಿ ಟೈಗರ್ಸ್ ತಂಡವನ್ನು ಬಿಜಾಪುರ ಬುಲ್ಸ್ ತಂಡ 7 ವಿಕೆಟ್ ಗಳಿಂದ ಜಯ ಗಳಿಸಿತು.

ರಾಜನಗರ ಕೆಎಸ್ಸಿಎ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಆರ್ ಸಮರ್ಥ್ 87 ರನ್ ಗಳ ಸಹಾಯದಿಂದ ಹುಬ್ಬಳ್ಳಿ ಟೈಗರ್ಸ್ ನೀಡಿದ 189 ರನ್ ಗಳ ಬೃಹತ್ ಮೊತ್ತವನ್ನು ಇನ್ನು ಎರಡು ಎಸೆತವಿರುವಂತೆ ಬುಲ್ಸ್ ತಂಡ ಜಯ ಗಳಿಸಿದೆ.

ಮೊದಲು ಬ್ಯಾಟ್ ಮಾಡಿ ಹುಬ್ಬಳಿ ಟೈಗರ್ಸ್ ತಂಡ ನಿಗದಿತ ಓವರ್ ನಲ್ಲಿ 7 ವಿಕೆಟ್ ನಷ್ಟಕ್ಕೆ 188 ರನ್ ಗಳಿಸಿತು. 189 ರನ್ ಗಳ ಮೊತ್ತವನ್ನು ಬೆನ್ನಟ್ಟಿದ ಬುಲ್ಸ್ ತಂಡ 19.4 ಓವರ್ ಗಳಲ್ಲಿ 3 ವಿಕೆಟ್ 191 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.

ಬಿಜಾಪುರ ಬುಲ್ಸ್ ಪರ ಸಮರ್ಥ್ 87, ನವೀನ್ 20, ಉತ್ತಪ್ಪ 51, ಭರತ್ 11, ಪೃಥ್ವಿರಾಜ್ 7 ರನ್ ಗಳಿಸಿದ್ದಾರೆ.

ಹುಬ್ಬಳ್ಳಿ ಟೈಗರ್ಸ್ ಪರ ಸ್ಟಾಲಿನ್ ಹೂವರ್ 2 ವಿಕೆಟ್ ಗಳಿಸಿದ್ದಾರೆ.

ಹುಬ್ಬಳ್ಳಿ ಟೈಗರ್ಸ್ ಪರ ತಾಹ 89, ಅಭಿಷೇಕ್ ರೆಡ್ಡಿ 42, ದಿಕ್ಷಾಂಶು ನೇಗಿ 8, ಸ್ಟಾಲಿನ್ ಹೂವರ್ 6, ವಿಲಿಯಮ್ 18, ಕ್ರಾಂತಿ 1, ಕುನಾಲ್ ಕಪೂರ್ 14 ರನ್ ಗಳಿಸಿದ್ದಾರೆ.

ಬಿಜಾಪುರ ಬುಲ್ಸ್ ಪರ ಮಿಥುನ್, ನವೀನ್, ಖಾದಿರ್ ತಲಾ 2 ವಿಕೆಟ್ ಪಡೆದಿದ್ದಾರೆ.